Am Fryting Obe bini ane Geburtsdaag iglade gsi, mir sin ine paar Bars gange in Ballard, e luschtigs Restaurant und Bar Viertel, gange. Und ich ha e huffe girls gseh mit dene ich sooo viel Zyt und luschtigi Momänt verbrocht ha gseh. Ha mi so greut! Und mir häns ächt guet ka.

Am Samschtig isch denn dLisa ko und mir sin ane Huusiweihig gange. SHuus isch sooo schön und gross! Freu mi richtig für mini Kollege, wo au bald hüürote. In dr Ylading hän si scho Snacks versproche ka, aber es hett e regelrächts Feschtmohl gäh. Si hän 5 unterschiedlichschti Arte vo Fleisch ufm Barbecue gmacht. Was füre Freud no e letschts mol e richtigs American Barbecue zerläbe!

Zobe sin mir denn zu dr Lori zerscht mol gange, und sin denn witer ind Stadt go party mache. Wie das so isch mit de Party-Öbe ischs immer en Überraschig. Amigs fallts ruhiger und amigs wilder us. Und es isch eifach super gsi! Mir häns sooo luschtig ka, dass mir denn sogar ine Afterparty-Club gange sin. Die reguläre Clubs schliesse jo scho am halb 2 und do sin mir nonig bereit gsi zum heim go;) Hän denn zum Abschluss no ne Seattle Hotdog ka hihi.

Am Sunntig sin mir denn zerscht wieder zu 3t go zmörgele. Wie isch das nur mögligg, dassi die beschte Eggs Benedict erscht am letschte WE entdeck?! Denn go Shoppe, do agäbligg die amerikanische Outlet Malls besser sin als die Kanadische lut dr Lisa. Hän denn tatsächligg Crazy Shopping gmacht, ich ha mi aber schwer zrugghalte, wüsst schunsch ächt nid, wieni alles heimbringe söll... Und zum krönende Abschluss sin mir no dMarianne go hole und sin alli zämme go znacht ässe. Was füre WE! Sooo much fun!

Hütt isch mi letschte Daag im Spital gsi, so truurig. Es hän aber glaubs alli Freund an dr Schwizer Schoggi ka, woni mitbrocht ha. Dangge Nicole und Davy:) Ha au mi Research/Student/MD (jep, alles uf EIM uswiis hehe) Badge miesse abgäh, buhu.

Und morn kömme hoffentligg alli mini Kollege und mir wärde Downtown in mim Lieblings-Sushi-Restaurant e kleini Going-Away-Party fyyre. Das wird bestimmt witzig. Falls ichs schaff wird ich no am Mittwuch überd Party brichte und ansonschte wärde dir über mini letschte Abentüür persönligg erfahre;) Bald bald gots heimwärts!