Hallo Zämme!!

Also wenn me's gnau nimmt denn reisi sogar uf 3 Insle - wovo 2 neu wärde si! ;) Hüt Nomidaag fliege mr nach Molokai und verbringe dört 2 Nächt. Denn fahre mr mit dr Fähri nach Maui übere (Lahaina - mhhh wär weiss, vellicht gits nomol znacht im Babba Gamp) und übernachte eimol im glyche Hotel wie letscht Mol. Am nexte Morge gohts denn mit dr Fähri nach Lanai, wo mr zwar e Auti wärde ha aber kei Hotel... ;) Sind eifach zu spot dra gsi mit bueche.... Uf Molokai hämer leidr kei Auti will au alles scho usbuecht gsi isch... Aber easy, d Insle sind so klei, di könne mr au e Teil mitem Velo mache!

So, unterdesse simmer au scho uf Molokai ako! Dr Flug mit Mokulele Airlines isch suuuper gsi - und s Flugzüg isch suuuper klei gsi!! Mir hän jo scho gwüsst dass d Flugi klei sind, aber dass sie grad sooo klei sind (11 Plätzer!)!!!!