Profile
Blog
Photos
Videos
... witer gohts mitem Fritig
Als erschts simmer an Farmer's Market in Hilo gange. Dä findet jede Samschtig statt und isch relativ gross. Me findet dört alles fürs leibliche Wohl und no viel mehr fürs Spirituelle!... Hilo het nämlich ganz viel "Grieni", will im Vorort Puna nur Luet wohne, wo vo dr Natur läbe, also ohni Strom und fliessend Wasser... Nachdäm mr kurz drueber gloffe sind und e paar Fruecht kauft hän, hämmers denn au gseh kha und sind witer in Vulcano Nationalpark gfahre (nur 40 Minute vo Hilo entfaernt). E Ueberraschig hest grad bim Parkigang geh: dr Itritt isch - worum au immer - gratis gsi an däm Daag! Jupie!
Eigentlich hämmer mitere Wanderig wölle starte, aber dos ziemlich grägnet het, hämmer uns denn spontan fuer dr Chain of Craters entschiede. Das isch e Stross, wo alles de Krater entlang bis abe ans Meer fiehrt. Mir sind rächt schnäll vorwarts ko, wills au hüt fascht kei Verkehr kha het (ok - d Nicole isch au e kleini "Raserin", aber kei Angscht, nur im Verhaeltnis zu de eeeextrem langsame Gschwindigkeitsvorschrifte!) Unde ako hämmer e kurze Spaziergang zu dr Stross unternoh wo dazumal vom Lava ueberfluetet worde isch. E genials Bild! Zmittst im Lava-"Meer" hets sogar e Schild wo druf stoht "Road closed" he,he.
Wieder obe ako hets wenigschtens ufghört rägne und dorum hämmer uns denn ufd Wanderig "Mauna Iki Trail" begeh. Das isch phenomenal gsi! Zerscht lauft me durch e Dschungel und denn kunnt me unde im Krater a, wos ueberall usem Boode dampft und raucht. Huuuu....
Am 4i hämmer uns denn Richtig Mauna Kea begeh und unser Auti hämmer ziemlich beasprucht uf dr Fahrt bis zum Observatorium!
Dr Fall isch also ziemlich schnaell klar gsi, dass mr mit unserem Auti definitive NIT ufe Mauna Kea ufe koemme. Schliesslich isch dae uf 4000 Meter obe und au wenn d Stross ufe schlaecht isch, bruchts doch e starke Motor… Also haemmer unser beschts Laechle ufgsetzt und siehe da: e kanadischs Paaerli het uns mit ihrem Auto mitgnoh! Yeeeah! :o) D Ussicht doert obe isch natuerlich einzigartig und me fuehlt ganz klar, dass me sich in dunnere Luft befindet.'' Kurz nachem Sunneuntergang simmer denn wieder abegfahre und mir haen uns vom naette Paaerli verabschiedet und sind mit unserem Auto zruck nach Hilo gfahre. Was fuer e Daag!
- comments