Ziitig ufstoh, hani chönne vergässe. SZelt isch no pflutschnass, das hani zersch no müässä bizzeli tröchne. Da Ussezelt schö am luftdurchlässige Innezält kläbt het, han mi gfühlt wie imene Tropehuus. Ich glaub han dadur grad no e Erchältig iholt. Grindweh au no. De Tag het also scho prima agfange. Am 9ni hani glich no gschafft looszlaufe. Da ich mich leider kulinarisch nächli schlächt uf de geschtrig Pausetag igrichtet han, würd i es rächts zMorge...

Wiedermal imene Zimmer mi eigene Duschi übernachte isch scho nöd schlächt=) Hüüt sölls mal ohni Bus wiiters go. De Zeltplatz isch nämli nur 20km ewäg vo Monbetsu und liit am Komukesee. DStadt isch rächt touristisch usbaut. Mä cha au go Robbe aluägä, was au ihres Stadtsymbol isch. Au es anders Viech gseht mer überall. Es gseht us wie es Ängeli-Insekt. Ich chum nöd druf was es söll darstelle... irgend e Idee? (isch bi de Bilder) Nach churzem Industr...

Am Morge ufgstande, hani gmerkt, was das für en schöne Platz isch. Wunderschön ufere Ahöchig über em Meer gläge und sogar no Bungalows wommer het chönne miätä. Es isch en hitzige Tag vorusgseit worde also hani alles packt und bini am halbi 8i los. Underwägs bini vo öppe 500 Velofahrer überholt worde. Sisch grad es Familieevent gsi mit Polizei, Luutsprecherwäge, Effektelaschti und de Putzcharre am Schluss. Das het mi die erschte paar Kilometer abglän...

Bin wieder mal früäh los mit allem Huckepack. E riise Hitz isch es. Ich han mi am Vortag no a de Ärm und Händ verbrennt und ha halt hüüt müässä langärmlig wiiters in Süde. Mit Siite und Gegewind vo 6m pro Sekunde ischs wieder emol en Chrampf gsi. Defür bini a schöne Buchtene verbi und schöni Gärte. Nach 20 Laufkilometer bini erschöpft bim Bushüüsli acho und versuäch no de Mittagssunne entcho. E älteri Frau het den au no uf de Bus gwartet. Ich ...

Äntli hani mal chönne go laufe ohni Gepäck. Mich hets drum zu e Attraktion öppe 2h Laufziit entfernt glockt. Es natürlichs Bluämäreservat. Die meischte Blüämli hani zwar underwägs scho gseh, es isch aber glich en schöne Ort, wommer sogar uf richtige Feldwäg dörf laufe. De ganz Rundgang goht öppe 3.5 Kilometer. I de Hälfti häts plötzli en Sirene afange lüüte. Natürli bini ufgschreckt und sofort an Tsunami denkt. Im Informationshüüsli het sich...