Profile
Blog
Photos
Videos
Am 13. vom Monet gohts witers i de nächscht Grossstadt und Präfektur Miyazaki. DFahrt det ane schluckt sovill Ziit, dass es eifach en Hoteltransfer isch. DStadt Miyazaki überrascht mi mit e Schwetti a Palmene. Alli Hauptstrasse hend Kilometerlang ei Palme nacheinander.
ZFuäss: 8500, 6km, Zug: 122km
2015年10月15日
Damit i no öppis vo dere Präfektur gseh, leggi no e zuesätzlichi Nacht da i. Aber Hotelwächsel isch agseit. Somit gohts nacheme Kafi mit Huckepack zum städtische Schrein. De isch en richtig grosse immene Waldpark drin. Es het öppe füf Familie mit ihre drü-jährige Chind, wos in absolut megamässig härzigi traditionelli Chleider gsteckt hend. Einzeln hend e Zeremonie im Hauptschrein.
Dur en Hinterigang bini zum gröschte Park vo de Stadt gange. Im Hauptkern isch en riisige Turm - es Friedensmonument - baut mit Stei us aller Welt. Nebetra hets es Museum und en Parkteil, wo alti Tonfigure usstellt. Es sind Grabfigure namens Haniwa. Die sind no amüsant. Uf em Rase picknicket e Chindergarte-Klass. Nächli verwundert bini ab de Uuswahl vom Rucksack. Die sind im Militärtarnmuschter.
Nach dem Park gohts zrugg zum Hauotbahnhof, woni eine vo de wenige Züg nach Aoshima nim. Das heisst übersetzt blaui (grüäni) Insle. Dank em subtropische Klima hets uf dere Insle über 500 Palme wo älter als 350 Jahr sind. Es gseht würkli nächli wien es tropischs Paradies us. Nur nächli interessanter. Rund einehalb Kilometer Umfang mit Felsformatione rundherum, wo als sWöschbretter vo de Dämone bekannt sind und UNESCO zertifiziert. Uf de Insle hets au en Schrein. Nächli komisch nebet em Schrein Palme zha. De Schrein isch vorallem für Surfer und het drum jenschti Glücksbringer mit em Kappa und schöni Goshuinbüecher. Has aber glich gschafft, nüt zposchte. Nachere Umrundig hets no en Spaziergang am Sandstrand gä. Entlang de Promenade hends au Palmene pflanzt. Zrugg nach Miyazaki bini wieder mit em Zug und mich denn is nöie Hotel begä. De Iigang isch total härzig mit Halloweendekos iigrichtet gsi. Au es 80cm Geischtli mit Sprechblase: Boooohoooo=)
ZFuäss: 30100, 22km, Zug: 30km
- comments