Profile
Blog
Photos
Videos
Wiedermal imene Zimmer mi eigene Duschi übernachte isch scho nöd schlächt=) Hüüt sölls mal ohni Bus wiiters go. De Zeltplatz isch nämli nur 20km ewäg vo Monbetsu und liit am Komukesee. DStadt isch rächt touristisch usbaut. Mä cha au go Robbe aluägä, was au ihres Stadtsymbol isch. Au es anders Viech gseht mer überall. Es gseht us wie es Ängeli-Insekt. Ich chum nöd druf was es söll darstelle... irgend e Idee? (isch bi de Bilder) Nach churzem Industrietteil bini vor eme Lavendelfeld gstande. zMittsdrin es Kafi und Lavendelsouvenir Shop. Het richtig schöni Sache gha, aber die hettet dReisete nöd überstande. Für en Franke hani es Mini-Lavendel-Strüssli kauft und an Rucksack ghänkt. Wiiters isch en wunderschöne, Ochoskische Iispark cho (im Summer ohni Iis). Riise Grasfläche, Chütergarte, Spillplatz, natürliche Teil und en Golfplatz. Also für so was wie Golf mit Boccia-Chugle. Weiss öppert was das isch? DRoute danach isch nöd so spannend gsi: e Strass ohni Trotteoir und Überholverbot. Dementsprächend luschtig ischs gsi vo Panzer überholt zwärde. Ich bin den schnurrstrax ine schöne Feldweg abboge, wo ich no emene Spächt han chönne zuäluägä. Nacheme Kilometer het mich de Wäg aber voremene 30-m-Abhang überem Strand im Stich glo. Zrugg bi de Hauptstrass isch denn entli mal e Siitestrass cho woni han chönne uswiche. 6 Strassekilometer vor em Ziel het mi den e Gruppe älteri Lüüt mit em Auto ufgablet und zum Campingplatz bracht. Nach 30 Minute sinds wieder da gstande mit Onigiri und zTrinke wos für mich sind go poschte. Denn simmer no nächli aneghöcklet und hend gschnörret. Luschtigi Truppe. Ich bin ebe au eleige uf em Campingplatz gsi also no nächli froh um Action. Bin früä is Bett willi am näschte Tag no vorem Rege ha wellä underwägs si.
ZFuäss 24800; 19.8km, Auto 6km
Am Vieri wach ich uf und es rägnet und rägnet. Da es luut em Zältplatzwart söll de ganz Tag regne, bliibi halt numol da und schriib öi nächli dNews uf. Es halbstündli bini no am See go laufe, aber da sich nur die blöde Chräie bi dem Wetter zeigt hend, ischs mer au scho bald verleidet. Vom Zelt us ghör i defür hin und wieder en Gugger. Gege Obig wirds recht chälter und lang cha mis Zelt wohl en Dauerrege nöd standhalte.
ZFüäss 5900, 4.8km
- comments