Profile
Blog
Photos
Videos
Han gmärkt, bin nächli in Rückstand cho mit mim Blog. Aber han die Nacht äxtra no dra gschaffet. Au wenni immer nonig e Reihefolg bi de Fotene anebring. Am halbi Zähni hani uschecket, Gäld und Zmorge gholt und an Bahnhof gloffe. Han no fasch es Stündli uf de nächscht Zug müässe warte. De het mich uf Asamushionsen bracht, vo wo ich mini hütig Tour gstarter han. Min Rucksack macht sich uf ahib guät. Es schiint mer sogar liächter zii...aber dömmer mal abwarte...
Asamushionsen het en grosse, gschäftigte Badesandstrand mit Volleyballfeld. Die gits ja da in Japan sehr sälte - und no seltener würkli Lüüt drin bade. Es isch e vo Tsunamo gschützti Bucht und mär dörf nur im Juli und Auguscht drin bade. Süsch isch dWassertemperatur zchalt=)
Dana ischs e laaangi Strecki a de Hauptstrass gsi. Aber bin happy gsi. Es het es riisigs Trottoir gha und zwar die ganz Strecki. Unterwägs hani schöni Landschafte gseh, aber nöd grad was bsunderes. Irgendwie het mi di glich Töffgruppe drüü Mal überholt, die müänd wohl erlichi Pause gmacht ha und wahrschinli die gross Route. Zwei Camper-Velofahrer hani nach zäh Kilometer au wieder igholt. No motivierend=) Die sind uf em Wäg zum Yokohama-Campingplatz gsi - dä am Sandstrand.
Bimene Buur im Dörfli Komisami hani mi no mit Gmüäs für de zNacht ideckt. Denn hani nur no müässä es bizzeli en Hoger ufelaufe. Erscht a dem Iigamg hani gseh, das dä Campingplatz woni apeile - en Autocampingplatz isch. I de Charte stoht nüt devo und au uf de Charte im Dorf nöd. Det häts sogar no Zält druf und zwar ohni Auto. Ich has den eifach probiert. Ich het ja susch au en Alternativzeltplatz woni i mit em Zug erreiche chönnt. Eigentlich büütets nur Zältplatz mit Auto a. DDame het aber e Uusnahm gmacht. Sogar nächli günschtiger gä. Nachem Zältufstelle hani mi nächli usruähbet, bin go dusche und han no nächli Japanisch glernt - jetzt woni ja de mp3-Player han.
ZFuäss 28200, 22km, Zug 17km
- comments