Profile
Blog
Photos
Videos
Wiederemol nöd früäh ufmöge, bi sötti langsam die schlaflose Nächt nachegholt ha. Nerv. Naja, hilf nüt sich ufzrege und so bini wieder ersch am 11i im Zug nach Arita gsesse. Verbi bini wieder amene Dorf namens Ogi. Ich ha fasch afange gröhle im Zug wo mer dNöijahrsred vorem Neattunnel in Sinn cho isch. Ogi heisst übersetzt grosse Baum und de Ogi het ja damals schline Bäumli, uf japanisch Kogi, lnebetra gha. SKogi nebet em Ogi.
In Arita hani e Halbstund uf min Aschluss gwartet, wo wieder zur nationale Bahngsellschaft ghört. Au a dem Bahnhof höchscht amüsant. Ein Iigang trennt mitere Stange und uf jedere Site e Billetbox: eini vo JR und sandere Matsuura Railways. Mit em grüäne Huis den Bosch Express bini e Station wiiters. Het mer gar nöd gfalle de Zug inedra. So dunkel. In Takeoonsen hets en grössere Spaziergang gä dur schöni alti Gässli, verbii a Schrein und zum Stadttor. Denn wiiters uf die ander Stadtsiite in Mifuneyama Garte. Det hanis richtig chöne gnüsse. Leider bini zspat für die Kirschböimblüäti, für Azalee-Blüäti und no es bizzeli zfrüäh fürd Herbschtschönheit Momiji, also die rote Miniahornblätter. Trotzdem isch es sehr friedlich det und es het nebscht de schöne Pflanze und em Teich au no e Grotte mit Steikamis. Nach dem Usflügli bini retour an Bahnhof und han min Plan no in Huis den Bosch verbiizluägä, müässe begrabe. Es isch nämli scho halbi Viäri gsi. Mit em Bummler und em Wiise Schnellzug ischs denn 50Kilometer in Süde nach Isahaya gange. Es sStädtli, wo mini nächscht Übernachtig reserviert isch.
zFuäss: 24800, 17km, Zug: 100km
- comments