Profile
Blog
Photos
Videos
hola, qué tal? so, die letschtä täg si nid sooo wahnsinnig interessant gsi; am mändi normau schueu u de hani nach dr schueu no probiert mini föteli ufe usb stick zlade, da ds internet ir schueu extrem langsam isch, hets soviu zyt brucht.. u es isch zimlech müehsam wüu i cha mini föteli nid uf ds ipad lade mitem usb stick u de hani die föteli wo ufem handy si gsi zersch müesse mir per mail schicke u när die vom mail ufe stick spichere, äbä mä brucht haut ds costa rica viiiiu geduld... irgendwenn hanis de o gschafft gha u bi de hei u ha bi mire familie znacht gässe u när no chli glehrt... am zischti bini mit dr marie (woni am flughafe kenneglehrt ha) no id mall san pedro wo grad ir nechi vor schueu isch u hei dert ä mega feine smoothie trunke... am haubi 6i hei mir no mit angerne vor schueu im zentrum vo san jose abgmacht gha u de simer chli früecher scho dert gsi u hei üs no chli d zyt vertribe.. mir si de ids el patio öpis ga trinke, das isch ä mega cooli bar/restaurant u es isch gloub o no es hotel... uf jede fau hei mir zersch es imperial trunke u wüu ds ässe so fein het usgseh hei mir o no grad dert gässe... mau öpis angers aus riis u es isch würklech mega fein gsi aber haut o chli tüürer... nachdäm mir fertig gässe hei si mir de wider zrügg id mall u hei dert no uf ganz viu angeri studänte vor schueu gwartet, mir hei aui id "la calle" wöue, dert wos soviu bars het u wo aui eifach härä gö (weiss dr name vor strass grad nüm).. schlussändlech simer öpe 20 lüt gsi aber isch nid so viu los gsi u d marie u no es paar angeri u ig si de o nid auzulang blibe.. mir hei de es taxi gno für hei... eigentlech es offiziells taxi aber dä fahrer het vou nid gwüsst woner muess dürefahre u da isches mir auso nid so ghüür gsi u i bi die letschti gsi wo isch usgstige u ig hätt ke ahnig gha wodüre aber ds luschtige isch är het de immer ine angeri richtig wöue fahre u mir immer gseit dasser nid dert düre söu u de heter nume gmeint tranquillo tranquillo ja ja das seit mä de wenner komplett ine angeri richtig wott fahre.. i bi de grad bir tüür ghocket dassi im notfau grad hätt chönne usespringe, däm hani nid trouet aber i bi de guet heicho... u hüt hei mirs ir schueu o wider rächt easy gha, isch nid so sträng eigentlech... u dr ami wo nöi i mire klass isch dä närvt, sone chline dicke wo immer baskettbautricots anne het u wo music lost im ungerricht u wenner öpis seit u müess gine de ginet är eifach u redt glichzytig, är het so ke astang u respäkt irgendwie, i säge mir de aube, das isch widermau typisch ami hihi... ir vormittagspouse bini mit dr jessica u mit dr biene ad reception gange wüu mir hei wöue ds river rafting bueche am fritig... wüui 1 monet ir schueu bi het mir das d schueu zaut u ds isch cool wüus glich öpe bi $75 isch... es git stufe 1-4 (1 eifach u 4 isch ds schwirigschte) u mir hei stufe 4 buechet, bi de gspannt wies wird aber d jessica u d biene si o no nie ga rafte auso wirds sicher no luschtig... aber eigentlech hei si rägä gmäudet am wucheänd, bi de gspannt öb mir das überhoupt chöi mache wüu wes rägnet wirds abgseit... u am samschti gani mit dr biene nach tortuguero u da hei mir fang dr bös buechet ds hostel düe mir morn bueche... dasmau wirds es hostel si wo suber isch u nid so schmuddelig isch wie das ds puerto viejo... nach dr schueu isch dr philipp no mit mir uf dbank cho wüu i ha no mini letsche dollars i colones müesse wächsle da i ke gäud meh ha gha... u när simer zäme mitem bös heigfahre... de hani znacht gässe bi mire ticafamilie u am 8ti hani de no mit dr biene u es paar angerne abgmacht gha zum eis ga zie ir "la calle"... wüu dr philipp bi mir ir nechi wohnt simer zäme id stadt gfahre u die angere si scho dert gsi... mir hei üs haut scho a costa rica apasst u de isches normau dassme öpe 15min zspät chunnt... mir si de ine bar u es isch ä super abe gsi, hei viu glachet u es isch uf jede fau viu besser gsi aus geschter woni furt bi... d biene het es rots bier bsteut wo mit grenadine sirup isch gsi, mega grusig, u dr leonardo het es grüens bier bsteut mit sauz, das isch no viu grüsiger gsi aber anschinend no beliebt wüu das no rächt viu ticos trunke hei... när simer de öpe so am 11i mitem taxi hei... morn wei mir de ga salsa tanze im castro's, mau luege was de drus wird :-) cha ja no viu ändärä... buen dia besitos
- comments
antonia Hola estoy bien y tu? ;-) hmm ja das isch doof we dr taxi fahrer nid mal genau weiss wo er düre fahre muss. Aber houptsach bisch guet hei cho. Besos
Nelly Reinmann hola, wünsche dir es super guets Weekend und pass uf das du nid usem boot gheisch. nach Tortuguero geit doch ou d'cousine vor Ängi und Vera. bi de gspannt was du so aus erläbsch am WE. e dicke muntsch mam
Patrick Bhend Ig trinke niemaus Bier wo rot oder grün si!