buenas dias! so hüt isch ändlech mi erscht schueutag gsi i dr CRLA, i ha mi scho druf gfröit wüus chli längwilig isch nume bi mire gaschtfamilie so ohni fernseh u ja immer im internet surfe isch o nid so luschtig... am haubi 7 hets zmorgä gä wüu mir am 8h hei müesse ir schueu si u d cecilia het dr nick u mi am viertu ab 7bni wöue id schueu begleite... zum zmorge hets wider früschi ananas gä, kafi u baguette... es het sehr viu lüt gha im bös u mir hei müesse stah u das imene costaricanische bös, das isch sehr houprig u weme sech nid cha häbä sogar chli gfährlech... ds gäud hei mir wider müesse im vorus parat mache wüu mä ds gäud nid sött im bös fürnenäh.. u d türe vom bös blibe meischtens immer offe, auso weme mau wett usegumpe wärs kes problem, z.b. weme d hautesteu verpasst het :-) nei das nid grad... ha hüt aber gmerkt dass dr bös sogar zmitts uf dr strass hautet... mir hei wöue ustige ir nechi vor schueu u dr chauffeur het nid ghaute u d cecilia het gseit dass mir hätte söue usstige u de het dr bös zmitts im gröschte verchehr uf dr strass aghaute u üs usegla, hei de no müesse ufpasse dass mir nid vomene outo überfahre wärde.. uf jede fau isches härzig gsi wo mir ir schueu si acho wüu aui gaschtmüettere ihri schützlinge hei id schueu bracht... mir hei aui müesse imene saau warte bis zum istuefigstescht u scho da hani extrem viu lüt kenneglehrt; houptsächlech schwizer, dütschi u amis, what else ?! ha o d marie u d julie widergseh woni am samschti am flughafe kenneglehrt ha... u am mittag si mir scho es chlises grüppli vo öpe 8 lüt gsi, d marie u ig aus einzigi schwizerinne unger dä dütsche u mir hei üs grad uf ahieb mitenang verstange u heis u luschtig gha... ig ha öpe vom 9h bis am 12 scho mini erschte spanisch stung gha, u i mire klass hets 2 amis, 2 schwizer (scho wider), u ä dütschi u ig, auso 6 insgesamt... am mittag si mir hei mir ir schueu zmittag gässe, es git hamburger, burritos, salat, fruchtsalat, usw wo nid sehr tür isch u fein derzue... am mittag bini mit dr marie no ga dr kurs ändere wüu mir gmerkt hei dass aui nume bis am donnschti schueu hei, hei mir dänkt das wei mir o u de chöi mir übers wucheändi aube usflüg mache... itz hani eifach 5h pro tag spanisch anstatt 4 u derfür hani am friti frei :-) am 4h hei mir no meh informatione vor schueu übercho wies z costa rica so louft u uf was dassme muess ufpasse... isch no interessant gsi, vorauem wüus haut scho chli gfährlech isch weme nid ufpasst, o düre tag... zäme mit dr biene, marie, dr julie u julia u no es paar angerne wei mir äbä luege dass mir am wucheänd irgendwohärä gö, wo müesse mir no bespräche... nach em spanisch si mir im garte vor schueu ghocket u hei no chli gredt u irgendwie si immer no meh schwizer uftoucht u eini wo sogar im gliche jahr d handlere gmacht het zneuenburg wie ig, aber mir hei üs denn nie gseh... isch so luschtig wie chli dass dwäut isch... am 5h isch de mini gaschtmuetter mi u dr nick vor schueu cho abhole so wie aui angere gaschtmüettere o :-) es isch ä länge tag gsi aber ä coole tag u i dänke morn wirds no viu besser ir schueu weme soviu lüt kennt :-) zum znacht hets kochetsfleisch are tomatesauce gä mit ris (scho wider) u grüene bohne u rüebli derzue u frittierte banana (mmhhh die si so fein) u nachem znacht het d cecilia no chli mit üs diskutiert so über politik usw, ha zwar viu verstange aber rede hani nid so chönne, naja... u wüu aui hie so früeh ids bett gö isch dr nick no chli cho plöiderle süsch wärs ja würklech o längwilig ganz alei im zimmer... u itz muessi no chli husufgabe mache für morn, itz isch 21h30... wünsche nech ä gueti nacht oder besser gseit ä schöne tag u bis gli uf mim blog