Profile
Blog
Photos
Videos
Buenos dias! ig muess öich ja no verzeue wasi am samschti, 2.2. gmacht ha... ig weiss i bi chli hinge dri aber ir schueu geit d internetverbindig nid guet u bi mire familie tica hani ke wi-fi.. am samschti hani am viertu ab 7bi bir schueu abgmacht mit dr jessica... ig bi de mitem bös id schueu gfahre u bi sogar viu früecher dert gsi... aber d jessica isch o scho da gsi u de hei mir ufe bös gwartet wo üs isch cho abhole.. dä isch o scho viu früecher cho, aber isch grad gäbig gsi de hei mir nid so lang müesse warte... mir si de zum vulkan irazu gfahre... dä isch nid wit wäg vo san jose u mir si nume 7 touris gsi wo dä usflug hei gmacht... dr irazu isch uf öpe 3200m.ü.m u es isch extrem chaut gsi... ha de a öich liebe ir schwiz müesse dänke wo itz so chaut hei... auso ig ha chli mit öich mitgfrore ufem irazu hihi mir hei fröid gha wüu mir dr krater hei gseh jupppiii, nid so wie bim poas... mir hei de es paar föteli chönne mache aber nid lang nach öpe 10min hets mega d wuuche gha u mä het när nüt meh gsi, auso we mir speter wäre acho, de hätte mir wider nüt gseh.. aber mir hei ja glück gha... wüus mir när nüm hei gseh simer i souvenirshop gange wüus dert chli wermer isch gsi u es het no öpis zum ässe gha wome het chönne choufe u kafi oder tee... es het o no angeri touris gha u no wiudi bsuecher, nasäbäre :-) die si aber so fräch gsi u zum teil chli agressiv, mä het nüt chönne dusse ässe wüu die si eim grad agumpet u hei mit dä pfötli probiert z ässe wägznäh... mir hei es empanada con queso kouft u ds isch no warm gsi, mhhh so fein gsi hihi (ja, ig bi fasch die ganz zyt immer am ässe wüu aues so fein isch, ömu ig ha ds ässe u gärn hie, obwous fasch immer arroz y frijoles git = riis u bohne) mir hei ds empanade i d täsche da u hei gmeint mir fahre de grad los u si use gange, u när simer scho vo nasäbäre agriffe worde u eine isch mit alouf cho zseklä u mir grad agumpet u da hani mega schiss becho wüu die chöi no rächt gfährlech si mit ihrne chraue... uf jede fau isch üse chauffeur vom bösli üs zhiuf cho uhet die nasäbäre wöue verschüche, es si sicher öpe 6 um üs gsi u de heter üs d tüür vom bös ufgmacht dass mir dinn hei chönne i rueh ässe u när hei mir glich müesse lache wäge denä nasäbäre... u dr böschauffeur het de fröid gha dass är mit üs het chönne uf spanisch plöiderle u het de aues mügleche verzeut wie z.b. dass äbä sone nasäbär mau ä hung het tötet mit dä chraue, aber wies drzue isch cho hani irgendwie nid so mitbecho... eh ja üsi reis isch de witergange nach cartago u ungerwägs hei mir no chönne landschaftsföteli mache... sehr interessant gsi... z cartago simer d basilica de nuestra senora de los angeles ga aluege.. mä seit o basilica la negrita, schins het im jahr 1635 es meitschi bim spaziere ä chlini statue vore madonne gfunge mit schwarzer hutfarb u het die id chiuche bracht, aber die statue isch immer wider verschunde u jedes mau isch si wider ar gliche steu im waud gfunge worde... schlussändlech het mä dert ä basilica la boue...die isch aber wägemne ärdbebe komplett igstürzt u de hei si ä nöii basilica erbout u die isch o igstürzt bimene ärdbebe... u itz steit si amene angere ort z cartago... mä seit dass weme z.b. unheilbar chrank isch oder ä behinderig het oder irgendöpis de muessme uf dä chnöi zur negrita schnagge ir chiufe u si umne gfaue bitte u zwar dass si eim wider heilet... u nume es paar mönet speter isch me wider gsung... aber das isch nid gratis... mä muess ihre siuber bringe.. es het ganz viu objekt us siuber vo häng, füess, bei, ouge usw wo usgsteut si vo lüt wo anschinend si gheilet worde u aus bezahlig hei siuber bracht... u es chöme immer extrem viu glöibigi us dr ganze wäut dert härä wüu si äbä a das gloube... aber äbä... soviu zum gschichtleche teil :-) mir si de witergfahre u hei no dr cachi stousee gseh u dert simer de o ga ässe, imene chli noblere reschti u mir hei casada gässe u es isch mega fein gsi mhhh ds isch riis mit bohne, platanos u poulet fisch oder fleisch u derzue hets salat gä.. u när hei mir no es dessert becho u kafi... d ussicht isch u schön gsi ufe see aber mir hei de leider nüm viu zyt gha u hei scho witer richtig san jose müesse fahre... ungerwägs hei mir no aghaute u hei die eutischti katholischi chiuche besichtigt... ruine...sehr interessant... ds san jose hani mi de vor jessica verabschidet wüu i si ja när nüm gseh... u bir familie hani de no znacht gässe, zäme mit dr amy vo amerika... ds isch ä nöii studäntin gsi wo isch acho für 2 wuche mitere gruppe... aber si isch so ruhig si seit kes wort.. u i bi froh gsi, dassi ändlech ha chönne nach samara ga... ha de am abe no aues fertig packt, ha glich n o rächt viu sache gha obwou i o viu scho bi losworde..
- comments
antonia Hey corä tönnt ja alles mega spannend und abentür rich. Freut mi für di dass du s so gut hesch. Vermisse di . Müntschi