Profile
Blog
Photos
Videos
buenas dias! auso am 5i am morgä isch mi es taxi cho abhole wo d schueu organisiert het (ä pirat, ds isch ä taxifahrer wo ke lizänz het fürnes offiziells taxi, de gits nätti u haut bösi pirate, das isch itz ä nätte gsi wüu dä schaffet für d schueu), dr alex isch scho im taxi ghocket u de simer d biene u dr gerhard abhole u öpe am haubi 6i simer am cocacola busbahnhof gsi u dr philipp, ä nöie studänt bi üs ar schueu het sech üs grad agschlosse u isch o scho dert gsi.. ds gepäck sött mä bim reise immer bi sech ha u o nid ine ablegeflächi steue wüu d ticos eifach aues mitnäme bim usstige... am 6i am morgä simer de losgfahre.. d fahrt het 4h duret u mir hei ds cahuita 10min pouse gmacht u när isches witer nach limon u vo dert us de witer nach puerto viejo.. leider hets chli grägnet wo mir dert si acho.. ungerwägs hei mir mega viu bananeplantage gseh (chiquita banane si das gsi).. puerto viejo isch ä chline ort aber mir heis trotzdäm gschafft üs nid zrächt zfinge, gseht haut aues ähnlech us u nach es paarmau frage hei mir de ds hostel rocking js doch no gfunge u nach öpe 10min loufe.. d location isch u cool gseht eifach so wienes hippie-dorf us, sehr kreativ uf jede fau aber haut sehr dräckig... d biene u ig hätte i eim zimmer söue schlafe u dr alex u dr gerhard.. d biene u ig si i üses zimmer u es isch so pinlech gsi wüu mir hei üses bett niene gfunge derbi isch dr ruum ganz chli gsi... de simer öper vom hostel ga frage wo äch üses bett sigi u die hei nume glachet u gmeint es sigi oberhaub, aha, auso 2. versuech.. mir si ids zimmer u hei ufegluegt u taraaa mir hei es hochbett gha öpe 2m überem bode... wo mir si ga luege wies usgseht dobe hets üs eis gä, 1. d matratze isch grüslig gsi u es het abartig gstunke nach verschimmleter matratze u schweiss u 2. es het ä ventilator grad bim chopfteil gha auso 2 grünf für dass mir hei wöue ds zimmer wächsle zu rächt.. ig hätt nie im läbä dert gschlafe auso simer ar reception ga frage öb mir es nöis zimmer bechöme, nei geit nid, auso... u es zäut oder hängematte hmmmm nei geit o nid ussert mir würde nomau d hängematte zahle obschon mir ja ds zimmer zaut hei.. nach langem stürme hei mir je ä hängematte becho u sogar no d differänz vom zimmer hei si üs zaut :-) mir si de happy gsi wüu das eifach viu besser isch gsi aus ds grüsuzimmer u isch mau öpis angers, i meine wär cha scho sägä dass är ire hängematte schlaft :-) mir hei schliessfächer übercho grad bir hängematte wo mir wenigstens üsi sache hei chönne dridue.. u näbä üs isch ä typ gsi ds isch ja ä sau gsi, sini socke wo brandschwarz si gsi heter eifach über d hängematte ghänkt zum uslüfte u dementsprächend hets o gstunke genauso wie sis duschtüechli u de heter dr rasierer u ässräschte u süsch no undefinierbars eifach uf eim huufe gha, mhhh fein.. mir hei de d jungs ir bar bim hostel trofe u hei dert öpis gässe, ds ässe isch super gsi, eifach meeega fein mhhhh u när si d jungs a strand u d biene u ig si ids dorf u hei 12liter wasser kouft u frücht... när simer voubelade wider ids hostel zrügg u si o a strand... einä vom hostel isch de cho u het üs es faultier zeigt wo grad ufere paume isch gsi u plötzlech isches cho rägne, genau üse erschte tropäräge juppiiii, mä isch eifach innert churzer zyt flätschnass.. mir si de es bier ga trinke ir bar u wos wider ufghört het mit rägne hei mir es angers bier kouft u si mit däm a strand... uf die 6i simer de im reschti wo grad ir nechi isch gsi ga znacht ässe u o da isch ds ässe u fein gsi.. miammmm... när simer ir bar no eis ga zie u si de a strand... irgendwenn si dbiene u ig so müed gsi u hei gfunge mir gö de mau id hängematte ga schlafe... d jungs hei no zwöi französinne troffe wo o bi üs ir schueu si u si mit dene no am strand entlang für ine bar im dorf... viu gschlafe hani nid, es isch haut immer öpis los gsi u dä näbä mir (auso nid d sau sonder öper angers) het sech i schlaf i gschouklet u zwar so starch dasser mir isch acho u ig mitgschouklet ha u d biene o grad :-) es isch haut immer öper cho u gange während dr nacht u am 8ti simer de ufgstange... eigentlech hei mir mit dä jungs am 9ni abgmacht gha zum zmorägä aber die sie niene gsi... irgendwenn isch de dr alex cho u het verzeut dass si ersch so am 3 im hostel si gsi wüu dr gerhard ids spitau het müesse... wo si am abe am meer entlang si gloffe ischer ufemne stei usgrütscht u ine spaut gheit u het sech dr zäie ufgrisse u ds bei u de hei si ar polizei bscheid gseit wo grad dert isch gsi aber die hei nüt gmacht u mitem taxi si de dr alex u dr gerhard zrügg zum hostel wo si de ar ambulanz aglüte hei, die isch aber ersch 45min speter cho, auso ä härzinfarkt söttme hie vermide... uf jede fau het dr gerhard de ids spitau müesse ga näie u dr alex isch mit ihm mit... es hei o aui demensprächend mitgno usgseh am samschti morgä was ja o normau isch... d jungs si de no chli ga witerschlafe u hei gmeint mir söue scho mau bis punta uva u dass si de nachechöme... d biene u ig si id beckerei wo ir nechi isch gsi u dert hets fürsche fruchtsaft gä u mega die feine sache zum ässe.. u dert hani öpis nöis entdeckt; bananebrot, das isch mega fein... mit kafi u bananebrot simer ids hostel u hei dert zmörgälet.. när simer vis-a-vis ga velos miete, dä typ het üs aber no vou abzockt... mir hei $7 zaut für 24h u das isch zimlech tüür... när heter no gmeint mir müesse dr originaupass abgä ä kopie akzeptier är nid, mir hei aber nume ä kopie gha de heter gmeint that's business no passport no bikes haha nach langem stürme isches de doch irgendwie gange... u aus entschuudigung heter gseit är sig haut chrank u mit däm het är gmeint är het es paar joints groucht... mitem velo simer de bis punta uva gfahre... ds isch ä mega schöne strand u ds meer isch öpe 27grad gsi es het aber zimlech höchi wäue gha aber isch super gsi zum badä... u weme es zitli im wasser isch gsi u id böim gluegt het hetmä sogar tierli gseh... ha affli u papageie gseh :-) speter hei mir de djungs troffe wo o ändlech ds punta uva si itroffe... mir hei üs aui zimlech verbrönnt wüu d sunne so starch isch hie... wüu dr gerhard nid so zwäg isch gsi si d jungs dert am strand blibe u d biene u ig si de bis nach manzanillo gradlet.. es isch eifach ei teereti strass, zimlech houprig wo düre urwaud geit.. u de isches no bärguf u mit dene velo isch das schwirig gsi, si hei nume rücktrittbräms u keni gäng.. u einisch hani gmeint i fahri dr ganz hoger wider hingerdsi abe wüus so hert het gha bärguf zfahre, aber häbchläp isches de gange... sowie einisch bini no id biene gfahre wüui nid ha chönne brämse u mit dä füess isch das irgendwie o nid so gange :-) ds manzanillo simer ine supermercado u hei üs chips u crackers kouft, d biene het gseit weme viu schwizt de heig mä irgendwenn ä sauzmangu.. d chips hei mir de am strand gässe.. früschgsterkt simer de zrügg gfahre nach puerto viejo... hei aui überhout wüu d ticos sehr gmüetlech velofahre u vou langsam u mir si haut schnäu gsi :-) dr gerhard d biene u ig hei de am abe im hostel gässe u dr alex u dr philipp si sech öpis ga choufe im supermercado... wüu dr gerhard nid so zwäg isch gsi hei mir de beschlosse aui im hostel zblibe u hei ä gmüetleche abe verbracht... irgendwenn simer de ids bett u woni mini sache ha wöue nä us mim schliessfach für ga zäng z putze hets ä riiiisä kakerlake i mine sache gha wäääääääää die hani de felix touft damit si chli härziger usgseht u scho isches chli weniger schlimm gsi aber gruset hani mi trotzdäm no die ganz zit, die isch sicher 10cm läng gsi wäääää... eh ja ig ha de mini hängematte öpe 100 mau dürsuecht öb si kakerlake frei isch.. am sunnti morge simer wider id beckerei u hei kafi u bananebrot kouft u hei das wider im hostel gässe.. d jungs si de a strand bim hostel u d biene u ig si bis playa negra gloffe, mä het öpe 20 costaricanischi minute zfuess u europäischi zyt wär vilich öpe 50min... dr strand het schwarze sang aber es git schöneri stränd u zum bade isches o nid luschtig gsi... mir si de zrügg ids hostel u hei zum zmittag honigmelone u crackers gässe so ä süessi melone gsi, mhhhh... u am 3 simer langsam zrügg gloffe zur bushautesteu wüu am 4i üse bös losgfahre isch... zersch isch ä bös cho, dä isch aber de schnäu mau vou gsi u de hets gheisse es gäb de ä 2. bös, im 2. bös hei aber öpe nume 10 lüt inemöge wüuer scho vou isch gsi u es het no viu lüt am warte gha... u mir hei nid gwüsst öb no ä angere bös chunnt oder nid... aber nach 10min isch de no eine cho u dert simer de o igstige.. d fahrwis hie isch schlimm u i ha gmeint mir chöme nie läbig z san jose a... dr bös fahrt eifach zmitts uf dr strass, u im 60ger blocheter mau mit 100 düre.. u het aui outo überhout u eigentlech überhole ja d outo aube dr bös aber ja... u 2mau hani würklech angscht gha wüu dr bös überhout het, einisch no vore kurve u es si outos entgäge cho wo de hei müesse uswiche wüu dr bös uf dr gägespur isch gfahre u ihne quasi d durchfahrt verhinderet het... naja... u wüui am beschte spanisch ha chönne hani de üsem taxifahrer no müesse alüte zum säge dasser üs wider söue cho hole, är het üs am friti no sini visitecharte gä.. am viertuab 8ti simer z sanjose acho am abe u üses taxi het schön brav scho uf üs gwartet u kennt het är üs o no :-) das wär mis abentür puerto viejo gsi :-) hasta lluego
- comments
nelly reinmann hola, das war ja ein Abenteuer. so erlebt man halt land und leute und geniesst dann die geordneten zustände bei uns umso mehr. wünsche dir gute Erholung und einen schöne tag. ich umarme dich ganz fest Mam
corinne ja das war auf jeden fall mal etwas neues aber hat trotz allem spass gemacht. mit unserer gruppe hat es auch ziemlich gut geklappt. wünsche ich gehe jetzt frühstücken. wünsche dir auch ein ganz schöner tag oder nachmittag :-) besos und umarmung
Tanja Hey Corinne! Isch ja so schön das zläse woni o aues mau erläbt ha, San Pedro mal, di kuule Frücht, di houprige Bösse mit offniger Tür, Puetro Viejo, Manzanillo, hippis... So kuul! Gniesses i voue Züg u suug aus i di uf, es fägt eifach! ;-) Besitos
corinne hey tanja, wie isches gsi z buenos aires ? hesches schön gha ? ja säg nüt u mitem taxi hei zfahre isch hie o ä erfahrig... nid immer eifach mit denä pirate :-) ja i fröie mi scho wenni de witer nach samara cha wüu san jose gfaut mir itz nid sooo spezieu guet u i dänke wenni de när ds samara bi wirds de chli angers aus hie, vorauem isches gar nid so warm, immer dä wind :-( besitos
antonia Hola corä das si ja abentür. :-) demfau muss me nur lang gnue stürme und me kunnt z costa rica zu dem was me wott. ;-) gniess es witerhin . Ha die gärn. Hier schneits grad. Also hesch es immr no wärmer als mir ;-) hasta la proxima.
corinne hola :-) ja stimmt es isch würklech jedesmau es abentüür... wasi no nid ha usegfunge isch; wes im bös ke chnopf het zum dr haut verlange wüu mängisch hets eifach sone schnuer wome dran cha zie aber i paarne böse gits nüt u i muess irgendwie no lehre wieme fragt weme usewott :-) auso hüt isches zimlech chaut gsi, haut extrem windig u i ha eigentlech äbä nume 1 pulli mitgno, naja mä isch ja houptsächlech dinne de isches nid so schlimm :-) hasta la proxima