Profile
Blog
Photos
Videos
Hola... ig hoffe öich geits sowit guet... wüu das mis letschte wucheänd ds san jose isch hani nume no 2 tagesusflüg über d schueu buechet wüui ja am sunnti am morge nach playa samara ga... de lohnt sechs nid no wit wäg zga... ig ha derfür u früeh widermau müesse ufstah... Anita: i gloub du wirsch de o no zur früehufsteherin hihi auso am 5i spetischtens hani uf müesse wüui am haubi 6i ha wöue usem huus ga für ufe bös... es isch de 35ab worde bi no nid ganz wach gsi u ha chli lenger brucht... item uf jede fau hani grad ke bös gha u ha mir gseit wenni am viertu vor 6 de ke bös ha sötti mir de langsam überlege wieni id schueu chume, öbi wott 1 bösstation witerloufe u dert dr bös vo santa marta nä... wüui ja am viertu ab 6i spetischtens ha müesse ir schueu si... zum glück isch am viertu vor 6i de doch no ä bös cho... es het scho mega viu lüt im bös gha wüu aui hei müesse ga schaffe... bi de schlussändlech scho am 6i ir schueu gsi, dh ig na nid mau ä viertustung gha... d jessica isch scho dert gsi, grad am skype mit ihrne eutere, u de hets no 2 schwizer studänte gha wo hei wöue ga rafte.. üse bös hätt am viertu ab 6i söue bir schueu si är isch de aber mit 10 minutoticos verspätet cho... dr guide isch usgstige u het gseit är chömi 2 studänte cho hole, super u mir si 4 gsi :-) de hei mir gfragt wär u är het wider gantwortet ja 2 studänte :-) är het de müesse ga d lischte hole zum luege weli näme u es si de d jessica u ig gsi.. mir si bi dä erschte gsi wo si abhout worde.. när simer dür ganz san jose gfahre u hei aues auit lüt abhout bi dä hotels... mir si die einzige junge gsi, aber isch no luschtig gsi es hei sech aui grad gmerkt dass mir vor schwiz si u si si aui o ganz luschig gsi... zum teil nüm so guet zfuess aber ja... mir si de zersch zur kafiplantage doka gfahre u dert hei mir aus erschts chönne zmörgälä... es het rüehrei u gallo pinto gä u kafi vo dert... dr guide het gmeint mir sötte nid dr espresso italiono probiere wüu dä viu viu zstarch sigi... ig hane de glich probiert u ha gfunge dasser überhoupt nid starch isch aber ja d gschmäcker si verschide :-) mir isch dr kafi äbä sowieso zschwach hie u ha nid gärn immer nume fiuterkafi... aber hie gits ke angere... nachem zmorge simer de mitem guide dür die verschidene statione gloffe vor kafibohne bis dert wo si gröschtet wärde... isch no interessant gsi, hei ömu no chli öpis glehrt... dr guide u dr fahrer hei fröid gha dass mir zwöi junge derbi si gsi, si hei ömu immer chli spässli gmacht u si hei fröid gha wüu si mit üs hei chönne spanisch rede... nach dr kafiplantage isches witergange zum vulkan poas... d sicht isch leider immer wie schlechter worde u cheuter isches o worde... wo mir im park si acho hei mir genau gar nüt gseh, es isch aues idä wuuche verhanget gsi u es het immer chli grägelet... de hei mir chönne zum krater loufe u dert denttüschig: mä het nüt gseh natürlech... mir hei üs de müesse dr krater vorsteue... wüus so chaut isch gsi si mer wider zrügg id cafeteria vom park u hei dert öpis gässe u trunke dass mir üs chli hei chönne ufwerme... mir si de no chli düre souvenirshop dert isch aber aues mega tüür gsi... mir si froh gsi wos isch witergange... mir si de witer bis la paz... ds isch es rescuecenter mit pumas, jaguare u no viu angeri tier... ds si tier wo si hei müesse rette.. es git leider viu lüt ds costa rica wo illegau wiudi tier choufe u die aus hustier haute... ig ha leider nid erfahre öb die lüt de bestraft si worde, aber i gloube scho... u die tier chönnte ir natur nid überläbä wüu si ihres läbälang im chefig si gsi.. auso chöi si die o nid uswiudere die bhaute si eifach bis si de mau stärbe... isch eigentlech rächt truurig für die tier aber irgendwie kenne si ja nüt angers... uf jede fau isch ds no ä schöne park... mir hei ganz viu vögu gseh u schmätterlinge.. u tucans vo ganz nach.. die si sogar ufe arm cho... mir hei de o chönne dert zmittag ässe, es het eifach es buffet gä, aber mä cha aues ha u es isch mega fein... es het sogar züpfli mit chnoblouch gha, mhhhhh :-) mir si de nachem zmittag no ga fröschli luege u orchidee u hei nasäbäre gseh, die si ganz fräch u si mega nach cho u gwundrigi tierli sis... isch no luschtig gsi dene zuezluege aber si si o rächt schnäu u stiuha hei si sech o nie chönne... mir si de no zu wasserfäu gloffe... isch u schön gsi u no schöner wes nid grägelet hätt... ufem wäg zudä wasserfäu hei mir 2 vo üsere gruppe verlore... dr guide het se gsuecht währenddäm dass mir zudä wasserfäuu si u är het de im outo gseit dass mir ohni si abfahre.. i bi grad chli schockiert gsi dass mir die eifach dert lö... aber är het äuä gmeint dass mir zrügg zum houptigang fahre u nomau luege öb si dert si... u tatsächlech si si de o dert gsi u mir si wider komplett gsi u hei chönne heifahre... i bi de glich öpe ersch am 8ti daheime gsi wüus no chli stou het gha u ha de no ufe bös müesse warte...
- comments
Anita hihi, danke das du a mich denksch. um schöni sacher erlebe stohni gern au am 5i am morge uf... bruche denn eifach en guete kaffi :) Han übrigens hüt grad d'reservierigsafrog abgschickt. Goht gar nüm so lang, freue mich. Ich hoffe du bisch guet in Samara acho, und wünsche dir en guete Start i de neue schuel gruess Juanita
Toni Muchas gracias por compartir estas fotos tan bonitas....gracias por responder en Español, yo se que para ti es dificil, asin puedes practicar, te tengo admitir que escribes muy bien el español y comprendo perfectamente, claro que conversar es mas dificil, pero tienes que esforzarte un poco y ya veras que rápido viene el automatismo. Pues aqui el sabado nos vamos a Barcelona a pasar 1 semana de vacaciones, porque aqui el tiempo esta fatal.. Besos y espero que siguas tan bien, y que te lo pase bomba!! abrazos
Tanja Hey Corinne! Ach eifach so kuul was du aues so erläbsch! Gäu es fägt eifach mega feschd? Es chunt mir geng no aus so bekannt vor! Costa Rica isch eifach super! I hoffe mitm Spanisch loufds u du merksch vo Tag zu Tag fortschritte! Viu Spass in Samara, hoffe es gfaut dir! U issisch für mi chli vo dä feine Frücht? Ananas, Mango, mmmmh, wieni das vrmisse! :-) Gniesses witerhin!
Lexä hoi schätzi, äs isch würkläch geniau was du auäs erläbsch i mas dr so gönnä;). mitäm spanisch geits äuä scho mega guät gäu? vermissä di mega fescht coriä schätzi. fröiä mi di z gseh u ganz viu fotis z luägä. mümü
corinne Hei schätzi. Merci. ig fröie mi o we mir üs widergseh vermissä di o mega fescht:-( aber zersch gniessi no chli costarica hihi besos
corinne hola tanja! Ja es isch super ds costa rica u i finge ds ässe so fein unger angerem frücht:-) claro que si i wirde o frücht für di ässe;-) samara isch super, d schueu isch grad am strand...nume mitem bruunwärde klaplets nid so aber ds isch ja nid so wichtig:-)