Profile
Blog
Photos
Videos
buenas! wie geits öich so? heit dir es schöns wucheänd gha? ig ha es super wucheänd verbracht..aber zersch möchti öich no öpis angers verzeue... u zwar bini ir nacht vom 23. ufe 24. (auso mittwuch uf donnschti) zmitts ir nacht verwachet, es isch äuä so gäge die 1 am morgä gsi.. u zwar hets es mega starchs ärdbebe gä.. ha zersch nid gwüsst öbi das tröime dass sech aues bewegt u rüttlet u schüttlet aber es isch würklech d realität gsi... am nächschte morgä hani erfahre dasses es ärdbebe vor sterchi 5,2 isch gsi u zwar no es relativ längs für costa rica verhäutnis.. ds isch übrigens nid zerschte ärdbebe gsi woni ha mitbecho aber die angere si nume churz gsi u nid so starch... so u itz zum wucheänd :-) am friti am morgä am 5i bini vom taxi abghout worde zäme mit dr jessica u mitem taylor (ds isch ä ami wo bi üs ar schueu isch gsi u itz umereiset bis uf argentinie)... mir si de am cocacola bösbahnhof usgstige u hei ufe bös gwartet... d bösbillets het mä dasmau diräkt bim chauffeur müesse choufe... es het scho ganz viu lüt gha u d jessica u ig si froh gsi dass mir zimlech bidä erschte si acho... wo dr bös isch acho hei mir müesse id schlange stah, d bösfahrer si da de ganz sträng weme nid korrekt ir schlange asteit... uf jede fau het dr taylor no si rucksack gä für id gepäckablag u ds isch es no go aus turischt aber das het är äuä vergässe wüu ds gepäck söttme ja nie unbeufsichtigt la vorauem nid dert wo aui angere gepäckstück si... naja... d jessica u ig si de zimlech vore im bös ghocket u hei üs ufs wucheänd gfröit... mir hei am tag vorähr no öpis zässe ikouft für ungerwägs... die bösfahrt het 7600 colones koschtet (inkl. dr fähre) ds si öpe chf 8.-. nach ca 1h hei mir no ä gruppä amis ufgablet u wüu dr bös scho vou isch gsi hei si müesse im gang stah oder hocke... ds hani no spezieu gfunge isch eigentlech no rächt gfährlech wüu we dr bös müesst ä voubräms mache würde si ja eifach im bös umeflüge... uf jede fau hets rächt luschtig usgseh wüu si de aui imene reiheli si ghocket u plötzlech si aui im sitze igschlafe... ds isch bösfahre mau angers u so isches no ca. 2h gange... öpe am 9ni simer z puntarenas acho wo mir im bös ds billet hei übercho für uf d fähre... d jessica u ig hei dänkt dass mir üsi sitze düe reserviere u eifach ds ässe uf üsne sitze lö, ds wär nid schlimm we ds öper hätt wöue chlaue... uf jede fau hei mir süsch aues gepäck mitgno u si usem bös gstige u ab uf d fähre gloffe.. es het extrem viu lüt gha, o viu ticos u eis chaos... i muess no säge dass d fähre 810 colones koschtet het, auso nid mau chf 2.- für 1h fahrt mit dr fähre... uf dr fähre hets 1 bar gha u aui si dert gsi u hei gässe u trunke u es isch eis fescht gsi... isch zimlech ä partystimmig gsi im gägesatz zur schwiz wo dr autersverein geit ga schiffahre u niemer öpis seit :-) u d fähre isch würklech vou gsi u wäg dä amis hets no äxtra sicherheitsawisige gä wüu mä weiss ja nie öb öper wett a dä seili ufechlättere oder angers u es het de o securitas gha ufem schiff wo kontroue gmacht hei, dass z.b. niemer d füess uf d bänk het oder dass d gepäck aui unger dä bänk si u nid uf dä bänk, dass aui es t-shirt anne hei usw... si auso zimlech sträng... u d möwe darfme o nid füettere das hei si no äxtra im lutsprächer de düregseit.. mir si de irgendwenn ds parquera acho.. u mir hei scho chli bedänke gha öb mir de dr bös wider finge u wie de das geit... aber mir hei de am rand chönne ufe bös warte u dä isch de o cho u mir hei üsi plätz wider gha... ds het mi o erstuunt dass niemer uf üsi plätz isch ga hocke... mir si de happy gsi dass aues guet klappet het trotz däm riisä chaos... aber i säge ja immer: d ticos reglä das haut uf ihri art o wes chaotisch isch aber si chöis trotzdäm no guet organisiere :-) mir hei de nomau ca. 1h gha bis uf cabano u dert hei mir müesse usstige u ä angere bös nä.. dä isch de no die räschtleche 7km nach muntezuma gfahre... d strass isch sehr schlächt gsi u es het gstübt... dböim si aui wiss gsi vom vile stoub u mir si fasch usgloffe vor hitz... ar böshautesteu z montezuma isch de eine vom hostel üs cho abhole u het üs mit sim stoubige outo ids hostel gfahre... mir hei de es 3er zimmer gha u ds hei mir mitem taylor müesse teile... naja ig ha immerhin es 140cm einzubett gah u d jessica u dr taylor hei im kajütebett gschlafe... ds bad isch zwar riisig gsi aber aus abtrennig hets nume es tuech gha... mir hei scho gseit dass mir da nid uf ds wc göh vorauem het mä ja gar ke privatsphäre... zum glück simer ja nume bis am sunnti blibe... derfür isch d ussicht vom hostel mega schön gsi... hei ds meer grad vor dr tüür :-) u es het ä chline privatstrand gha... wüu mir nume 1 schlüssu hei gha het dä vom hostel gmeint dass mir dr schlüssu haut irgendwo müesse verstecke... de si mir 3 vorem zimmer gstange u hei überau umegluegt u studiert u de ischer wider cho u het glachet wüus äuä so luschtig het usgseh wie mir nachemne versteck hei gsuecht... de heter gmeint mir chönntes id schublade vom möbeli vorusse due oder unger d lampe ufem möbeli när hani nume glachet u gseit ja super de wüssi är ja bscheid wo üses versteck sigi, aber mir hei gar ke angeri müglechkeit gha... schlussändlech heis eh aui gwüsst gha vom hostel... dr taylor isch de mit däm vom hostel mitgange wüu är no öpis het wöue ichoufe u wüuer sech no ds dörfli het wöue la zeige... d jessica u ig hei nume ads bade dänkt im meer u drum simer bim hostel chli ga bade u chli ga sii.. speter am nami simer de ids dörfli gange u hei gluegt wo mir de am abe chönnte ga ässe... ufem wäg simer no ines café ga ä smoothie trinke, mhhhh fein :-) gäge abe simer de zrügg zum hostel u hei üs uf d duschi gfröit, ufem wäg hei mir no es chlises café gfunge wo mir de hei wöue znacht ässe... u wo mir bim hostel si acho hei mir müesse feschtsteue dass mir gar ke wasser hei... super... u bim wasserhahne isch o nid würklech wasser usecho.. mir si de so uf die 6i losgange ga ässe.. ig ha poulet mit ananassauce bsteut mit riis (so wie jede tag) u salat u d jessica het fischfilet bsteut a la karibik u zum trinke hei mir fruchtsäft bsteut... es isch aues super gsi u mir hei beschlosse dass mir de am nächschte morge dert gö ga zmorgä ässe...nachem znacht simer no a strand füre u hei öpis trunke... so gäg die 9ni simer wider zrügg zum hostel, dr taylor isch scho am schlafe gsi u mir hei ihn ufgweckt wo mir üsi sache ids zimmer hei da... mir hei gfunge mir wei no grad nid ga schlafe u si no chli uf ds bänkli ghocket vorem hostel u hei d ussicht gnosse u ds meer... die angere bewohner vom hostel si am ässe gsi u nachdäm si si zu üs cho u hei no chli pöiderlet.. dr eint isch ä dütsche gsi u het gseit mir gsäche so happy us öb mir öpis groucht hei wüu wie mir sicher wüsse sig montezuma o bekannt aus montefuma u fumar stöngi ja für ds roucke haha nei ds hei mir nid gwüsst u mir hei ds zimlech ä doofe typ gfunge nume wüu är aus dütsche scho 8jahr dert läbt u ds gfüeu het dasser so super guet spanisch chönn, dä het üs gnärvt u de hei mir sowieso mau ids bett wöue wüu mir ja am nächschte tag am 6i hei ufmüesse wüu mir de uf isla tortuga hei wöue ga... ig ha nid so guet gschlafe wüui immer wider erwachet bi u när bini eh scho am 5i wach gsi u chli speter hani de dr sunneufgang gseh, isch leider nid so schön gsi wüus zimlech bewöukt isch gsi... u d jessica het o nüm chönne schlafe.. dr taylor isch de o mit üs uf wüu är o uf d isla tortuga het wöue cho, aber är hätt nid guete morgä gseit, ds isch eh ä mega komische typ gsi... d jessica u ig si de am gliche ort ga zmorgä ässe wo mir znach gässe hei... ig ha es pancake bsteut u d jessica rüehrei... es isch sehr fein gsi wider u mis pancake isch riisig gsi... es het de no es chlises büsi gha dert im café wo immer isch cho bättle, drbi hätt si ja chatzefuetter gha aber das isch haut nid so fein gsi wie üses zmorge :-) die vom café het fröid a üs gha u wüu mir beidi es blüemlichleid hei annegha het si müesse lache u no beidi blondi haar... si het de no chli mit üs plöiderlet u üs ä schöne tag gwünscht... am viertu ab 8ti simer bim träffpunkt gsi für uf ds böötli... es si no angeri touris cho.. mir si zimlech schnäu ungerwägs gsi u immer vou id wäue inegfahre mitem boot... u plötzlech isch ds boot nüm witergfahre wüu dr eint motor kaputt isch gange, ke ahnig was ds problem isch gsi.. aber ha no dänkt dass mir itz müesse zur insle schwümme oder paddle, aber mir hätte gar ke paddu gha... mir si de haut mit eim motor witertukkerlet... u irgendwenn heis o mir gschafft zur insle :-) mir si de witer use gfahre zum schnorchle.. bim schnorchle hei mir ganz viu bunti fischli gseh, gäubi u blaui u ä riiiisä fischschwarm u i bi irgendwie no amene stei acho mitem bei uf jede fau het mi öpis bisse oder gstoche het zimlech brönnt u het o nid grad schön usgseh, eifach wiene usschlag... naja när isch mir ds schnorchle eh grad chli verleidet.. u mir si de no anes angers ort ga schnorchle, dert bini o no mau gange aber es het gar ke fisch gha de bini wider ids boot u d jessica o... die angere si o nüm würklech ga schnorchle u de simer zur insle tortuga gfahre... dert hets zersch früschi frücht gä u när zmittag.. ig ha ändlech mau härdöpfu gässe, juppppiiiii, ds isch ersch ds 2. mau gsi i 3 wuche :-) u när hets wider riis gä u salat u poulet isch sehr fein gsi ds hätti nid dänkt gha... mir hei de bis am 3 chönne uf dr insle blibe... mir si a strand gange, hei badet u chli gfunlänzt...es het nume touris gha aber o ticos wo ä usflug hei gmacht... isch ömu rächt viu los gsi... u dr sand isch wiis gsi u ds meer türkis, isch sehr schön gsi, dr usflug het sech uf jedä fau glohnt... so gäg die 3 simer de wider ids boot... mir hei äbä es nöis boot gha wüu ds angere ja nüm isch gange... u dr guides hei mega fröid gha irgendwie u si ab wie ds bisiwätter... es het de nidmau schwümmweschte im boot gha u mir hei eifach aui angere überhout u de hei si no es böötlirenne gmacht u üsi guides hei natürlech müesse zeige dass si ds schneuere boot hei... typisch... ha nume ghofft dass mir nid kentere... aber si de guet u vorauem i rekordzyt wider z montezuma acho... ah ja u dr taylor het ufem boot vor säch härägsunge u de no relativ luut u ersch no chrüzfausch, äbä ä komische typ haut... d jessica u ig si de wider i üses namitagscafé ga ä smoothie trinke :-) gäge abe simer ids hostel u dert hei mir ghofft dass mir chöi dusche... dr taylor isch nid da gsi u mir hei zum glück wasser gha... dass mir am friti ke wasser hei gha isch wäge ihm gsi wüu är dr ganz tank gläärt het währendem dusche, sone egoischt aber o... ds het üs haut gnärvt wüu mä muess idä hostels zum teil scho luege dassme nid zviu wasser verbrucht vorauem weme ds zimmer muess teile... früsch duschet u angers agleit simer de i üsem café wider ga znacht ässe, es isch wider sehr fein gsi u d senora het u fröid gha dass mir scho wider zu ihre si cho :-) d chataz isch o wider cho bättle.. mir si de no ga üsi übernachtig zahle u hei gfragt öb mir es taxi chönnte bsteue wüu mir am sunnti am morgä gärn i nationaupark wäre ds cabo blanco.. zersch hets gheisse es choschtet $50 mitem itritti park u hi u zrüggfahrt.. de hei mir gfunge ds isch viu ztüür u de ischer abe uf $45 ds hei mir geng no nid wöue wüu mir hei gseh dass ds taxi nume $10 choschtet u de hei mir däm typ gseit dass mir nume es taxi wei mir bruche nid no ä guide für i waud... schlussändlech ischer uf $30 abe mit abhouservice, itritt i park, u tour mitemne guide u zrüggbringservice... de hei mir gfunge dass dass ok isch vom priis.. hei no fröid gha wüu mir gar nid gross hei müesse handle är isch säuber mitem priis abe... u vo $50 uf $30 isch öpe nid schlächt.. mir si de o gli mau ids bett wüu mir ja no früecher hei müesse ufstah.. am haubi 6i simer scho fasch parat gsi für ga zmorgä ässe i üsem gwohnte café... d senora het no mit üs dutzis gmacht, si heisst aylina u mir hei ihre no bananebrot abkouft, rüeblibrot u kokosnussbrot u si het üs no ä schoggichueche gschänkt u öpe d häufti vo üsne brot... isch u härzig gsi u mega lieb.. ds gepäck hei mir zum glück no chönne im zimmer la... u am habui 8ti isch de es ehepaar üs cho abhole bim hostel.. ungerwägs hei si es paarmau aghaute dass mir hei chönne föteli mache, unger angerem vomene boum wo meh aus 500 jahr aut isch... de hei mir no ä kolleg vo ihne abghout wo o mit i park isch cho... einä vo rumänie... mir si de düre park gloffe.. es isch extrem heiss gsi u mir si am schwitze gsi.. hei sicher mind. 35 grad gha we nid no meh am nami... die tour düre waud isch ca 1h gange u bi scho fasch chli enttüscht gsi wüu mir genau gar keni tier gseh hei... u gäge schluss hei mir aber de zu mim erstuune ä nasäbär gseh, so cool gsi ig ha no nie ä nasäbär gseh gha u när isch eine würklech nume es paar meter vo üs entfernt gsi... dr nasäbär isch de ufene boum klätteret u het wöue ufene chline ascht gumpe uf jede fau ischer de abegheit wüuer sis gwicht ungerschetzt het :-) muy loco.. mir hei de no ufene haub insle chönne ga, dert hets eifach ä fridhof gha u süsch nüt aber es isch schön gsi vor ussicht här... när siimer no imene café öpis ga trinke, ä smoothie mau wider :-) si hei üs de bim hostel usglade u mir hei üses gepäck ghout u si ids dorf gloffe.. mir si i üses namitags café gane angere smoothie trinke u hei trotillas gässe mit guacamole... speter simer de no öpis ga ztrinke ichoufe u si ad böshautesteu ga warte... es het es paar ticos gha wo hei jongliert u ds isch wenigstens chli ungerhautsam gsi.. de hei mir wider müesse id reihe stah u warte bis mir i bös hei dörfe istige... de simer am 2h20 abgfahre richtig paquera, dert wo d fähre wider abgfahre isch... es het extrem viu outos gha u mir hei dänkt dass die nie aui uf dr fähre platz hei aber anschinend hei de doch aui platz gah... u es het mega viu ticos gha wo mega bsoffe si gsi uf dr fähre u die hei gmeint si chönne de party mache aber irgendwie hei die angere ds nid sooo toll gfunge wie die wo bsoffe si gsi... i weiss nid öb d ticos vilich angscht hei vor dr fähre dass si sech hei müesse betrinke wüu würklech viu bsoffe si gsi... eh ja.. u es isch ei lärm gsi wüu aui wiud dürenang gredt hei u gschroue hei u mir si ganz erschöpft när gsi vo dere fahrt wüu mir üs nid a sone basar gwöhnt si :-) plötzlech si aui lüt i pankik grate u zersch hei mir gar nid gwüsst wieso bis mir gseh hei dass es ä brand het gha ufem feschtland u zwar öpe dert wo mir hei härämüesse... es isch ä zimlech grossä brand gsi u mir hei üs scho sorge gmacht dass mir de nid hei chöme oder nid witerchöme mitem bös... aber je necher dass mir ads land si gfahre hei mir gmerkt dass dr brand no viu witer wäg isch gsi u d panik het sech de o wider gleit... u biim usstige hei aui dränglet u eim no fasch d stägeabegstosse wüu aui aus erschts hei wöue usstige, derbi isches ja nid schneuer vorwärts gange... isch zimlech asträngend gsi ds chani nech säge.. aber immerhin hei mir üse bös schnäu gfunge u es het gnue platz gha zum hocke :-) mir hei de no öpis znacht gässe vo däm womer ikouft hei u hei de chli gschlafe... wo mir gäge san jose si zuegfahre het üse bösfahrer plötzlech aghaute wüu ä angere bös ine grabe isch gfahre u iir schieflag isch gstange, es het sogar no lüt gha wo im bös si gsi u angeri wo scho dusse si gsi wo chli unger schock si gsi... isch ja verständlech... mir hei de äbä es paar lüt ufgablet wo nach san jose hei wöue... isch schono krass was aues passiert ungerwägs u was mir aues erläbt hei a eim tag... üses taxi het de o scho am bösbahnhof gwartet u het üs heigfahre.. bi froh gsi wider ds san jose zsi u ändlech wider chönne ds dusche u es eigets wc ds ha !!! mir heis würklech super gha u es isch es cools wucheänd gsi, hei sehr viu gmacht i dere churzer zyt u montezuma isch würklech es härzigs chlises dörfli... o d lüt si aui nätt u hiufsbereit u es plöiderle haut aui gärn...
- comments
antonia Buenas tardes, So cool, das freut mi hesch du so nes guets wucheend gha. Das muss idrücklech si es erdbebä mitzerlebe. Aber grösseri schäde het s nid gäh? Besitos
Patrick Bhend Längä Text ...
corinne ja hie si ärdbebe normau, git zimlech hüfig ärdbebe nume merkt mäs nid immer... nei schäde hets keni gä zum glück, bini schono froh.. u wie geits dir? besitos
toni Hola, Veo que lo pasas muy bien...aprovecha del paisaje tan bonito, he visto unas fotos preciosas... vas praticando ya mejor el español ? no vas a la escuela entonces o despues ? no te pican tanto los mosquitos? espero que la salud vaya bien también. que lastima que no comprendo el suizo alemán porque no me intero de nada sobre sobre los comentarios de las ciudades donde pasas. aqui todo bien aparte le tiempo ! besos
Patrick Bhend Mäh lebt u wärchet! Lg
corinne hola toni, si todo se pasa muy bien.. jueves es mi ultimo dia a la escuela a san jose.. mi espanol no es muy bien pero trato de hablar con mi familia tica... me falta mucho vocabolario y aprendemos muchos tiempos en la clase de espanol, no es evidente para mi.. pienso que no aprendi mucho, entiendo la mayoria pero de hablar es muy dificil... espero que entiendes mas o menos de lo que escribo... domingo me voy a playa samara por 4 semanas mas.. cuando iba al centro de san jose habia mucha gente y demasiado cosas a ver, estaba muy cansado.. y las viajes en el autobus son muy aventuriosas... el fin de semana pasado tomamos el autobus y el ferry para regresar de montezuma a san jose y habia una incendia y un autobus que se cayo entonces siempre hay algo imprevisto... el viernes me voy al volcano poas y el sabado me voy al volcano irazu, vamos a ver como va a ir este fin de semana... besos
Lexä oha sonäs starchs ärdbebä;(