Profile
Blog
Photos
Videos
hola. so mini reis nach san jose isch guet gange, mini gaschtmuetter het mir zum abschied no es tshirt gschänkt vo samara, isch mega härzig gsi u si isch gloub zimlech truurig gsi dassi bi gange... ig ha ihre no es paar chleider dert ga woni nüm brucht ha u es shampoo seife u bodylotion wüu das für si ja rächt tüür isch... ig ha de im hotel bernatica uf d anita gwartet am samschti... ig ha mit 2 dütsche chönne pizza ässe, wüu si ä pizza bschteut hei aber viu zviu hei gha... ha mi mega gfröit wo d anita de isch acho u mir hei no dusse vorem zimmer es bierli trunke... am sunnti simer chli nach alajuela stadt... es isch nüt schöns wie so immer idä stedt aber es isch glich guet gsi u mir si no id butterfly farm mitem taxi, mir hei de chönne ä pris ushandle dasser uf üs wartet u üs wider nach alajuela bringt. u dr itritt isch o überrisse tüür gsi für die paar schmätterlinge, aber itz... u dr bös für zrügg hei mir o wider gfunge... :-) am mändi hei mir no ä usflug gmacht ufe poas vukan, dasmau ohni wulche :-) de hei mir sogar no zum see chönne loufe wasi ja bim erschte mau nid ha chönne mache... u am zischti hei mir gluegt wägemne hotel z monteverde, mir hei de im internet nachegluegt u chönne reserviere... dr bös isch am haubi 3 vo san jose abgfahre, de hei mir no müesse es taxi organisiere...mini taxifahrerin isabel het abr nid chönne u het gseit si würdi de ä kolleg schicke... mir hei aber chönne mitemne nachbar vom hotel chönne mitfahre wüu dä grad uf san jose het müesse... är het üs bim cocacola bösbahnhof usegla u wüu mir viu zfrüeh si dert gsi, hei mir öpe no guet 2h müesse warte... i muess no säge, dass üses gepäck zimlech schwär isch u dass mä das nid eifach vom einte ort ads angere cha schleppe :-/ oder chönne scho aber es isch haut würklech schwär :-) mir hei de ä 5 stündegi bösfahrt vor üs gha... mä het fasch ke platz gha für d bei u es isch nid bequem gsi... u gäge die 7bni am abe simer in santa elena, monteverde acho... dert hei mir es taxi chönne teile mit 2 dütsche wo ids gliche hotel hei müesse... d taxifahrt het nume 1000c koschtet, auso öpe 2chf... d anita u ig si de imene reschti grad bim hotel ga znacht ässe u när simer no ids zentrum u dert im boumhuus öpis ga trinke... es isch gäbig gsi wüu mir vom hotel us zfuess hei chönne ga... im boumhuus hei si abr scho gli mau zuegmacht u de simer nachem trinke zrügg ids hotel... am nächschte morge hei mir ds canopy buechet gha für am haubi 11 am morge.. mir si scho früeh ga zmorgä ässe wüu mir nüme hei chönne schlafe... die einte si umetramplet wie d elefante im zimmer u die angere hei u luut gredt u wüus so ringhörig isch ghört mä haut eifach aues, sogar ds wc u d duschi... abr itz... drfür hets feini pancakes gä zum zmorge :-) ds canopy isch meega cool gsi.. am afang hei mir chli angscht gha wie de das isch usw aber dr erscht teil isch eifach, mä hanget eifach am seili u laht sech düre waud la gleite.. u de wird mä immer aghänkt am seili u wider abghänkt für ds nächschte seili... u mä cha o superman si, de wird mä am rügge ufghänkt u flügt de mitem chopf vora öpe 1km überem waud düre, isch auso am afang nid ohne aber weme de mau überem waud schwäbt chame sogar no d ussicht gniesse :-) aber ha bim erschte angscht gha wüu mä cha bim superman nid brämse u mä wird abbrämset aber ig ha nume dr boum vor mir gseh u dr anger wo mi hätt söue abbrämse wo wäggseklet isch aber i bi de zum glück nid i boum inegfloge är het mi de abbrämset :-) dr 2. superman isch luschtig gsi wüu si am schluss no föteli gmacht hei... u de hei si gseit mir söue no dr tarzan swing mache, hmmmm... aui wo abegumpet si, fasch nume manne, hei bägget... mä muess überne hängebrügg loufe u am ändi si 2 wo eim de feschtbinde u när gumpet mä eifach ids lääre... i bi de o gange u ig ha gar ke zyt meh gha zum überlege u de hei si mi eifach vor brügg abegmüpft u ig ha nume no kreischet... es isch zersch freie fau u när wird mä no es paarmau hin u här pändlet... u das wär dr tarzan swing... es isch für mi scho zimlech schlimm gsi aber am schluss muessi säge isches mega cool gsi u es het gfägt... d anita het zersch nid wöue aber si isch de glich o gsprunge u si het gseit dass si mi ghasst het wo si uf dr brügg isch gsi aber när het sis o mega cool gfunge u si het mi nüm ghasst :-) am nami si mir ga ässe u si de no öpis ga ichoufe für üses apero... de hei mir no chli d sunne gnosse vorusse bim hotel mit üsem gsprüzte rotwii :-) mir hei gmeint, dass üs ds taxi am haubi 6 chunnt cho hole für d nachtwanderig, aber es isch viertuab 5 uf dr bestätigung gstange.. zum glück simer ja ersch am haubi usem hotelzimmer, aber si hei schön brav uf üs gwaret :-) pura vida :-) mir hei de ä spanischi wanderig gmacht, hei zwar nid so viu verstange aber i bi ja da für ds spanisch lehre :-) u die wanderig isch o nid ohne gsi... mir hei scho am afang es fuutier gseh mit bebe, isch das härzig gsi u när hei mir no ä graue fuchs gseh, ä nasäbär, u nomau es fuutier wo ganz nach isch gsi... u mir hei es schlafends vögeli gseh :-) aber mir si im waud umegseklet wie gstört u es isch mega steil ufe gange zum teil u üse guide het unbedingt no meh tier wöue finge... mir si schlussändlech gloub viu lenger blibe aus aui angere wüu üse guide eifach nie gnue het übercho... am schluss het är no ä albino tarantula füreghout u üs müesse zeige... schön itz hani o ä riisä spinnälä gseh, das muessi auso nid nomau ha, si nid grad schöni tierli... mir si relativ spät no ga znacht ässe u si de no ine bar gange eis ga zieh, dert wo aui touris si gsi u no es paar iheimischi u mir hei dr eint gseh wo bim canopy schaffet wo üs abunge het füre superman :-) d ticos hei fröid weme chli spanisch cha, de si si o grad viu netter irgendwie, si hei aube fröid we si eim öpis chöi verzeue, oder eifach süsch chli uf spanisch rede... :-) am nächschte morge hei mir früeh ufmüesse wüu am 8ti simer abghout worde vom bösli, wo üs de zum see het gfahre u vo dert hei mir ds böötli chönne näh u übere see fahre... wo mir am angere ändi si acho, hei mir ä chline stutz müesse ufeloufe u mir mit üsne schwäre ruckseck hei fasch nid ufemöge u i ha mi o scho am bode gseh wieni ufem rügge wär gläge mit aune 4 ir luft wie ä chäfer ufem rügge u i hätt gloub nüm chönne ufstah, aber das isch zum glück nid passiert... nume horrorvorstellig... u d anita u ig hei zimlechä muskukater vom canopy, jaja buchmuskukater u ärm u oberärm u d bei gspüre mir o chli... mir si de froh gsi womer ds la fortuna im hotel si acho... mir hei speter es taxi gno für iids zentrum u hei zmittag gässe u när simer no chli umegloffe u hei no chli idä lädä gluegt wases so het :-) när hei mir dänkt, dass mir ja zude hotsprings chönnte im hotel baldi... das isch es 5 stärn hotel... u mir hei 38$ zaut inkl. znacht... de simer uf die 5 los mitem taxi u hei de chli chönne bädäle, ds hotel isch meeega schön gsi u es het weiss nid wieviu pools u ds wasser isch so schön warm gsi... mir heis so richtig gnosse u hei dänkt dasses üsem muskukater de besser würd ga... zum znacht hets eifach es buffet gäh u när simer ar bar no öpis ga trinke... da ds hotel am 10ni zueduet hei mir o da nid würklech lang chönne no dr abe gniesse... aber isch glich u schön gsi u het guet da... u hüt geits scho wider witer nach manuel antonio, dert blibe mir de chli lenger u ab dert wird de o mi rucksack immer liechter, wüu ds meischte grad dert blibt a chleider... u de hani de sicher platz fürne hängematte zchoufe für mi baukon :-) üse muskukater isch no schlimmer worde u itz duet üs o no dr äcke weh, ke ahnig vo was, aber zum glück müesse mir dr rucksack nid wit schleppe, nume d stäge abe bim hotel u dr interbus chunnt üs ja hie cho abhole u när bringt är üs de zum hotel. aber bis itz wüsse mir no nid wo mir schlafe, das gseh mir de när... auso ig wünsche nech ä schöne tag u machets guet, hasta luego amigos besitos
- comments
Nelly villicht chasch du ja d'nachrichte no mal aluege. wünsche dir e gueti rückreis, ir ch chunnt ou dr früehlig. mir fröie üs uf di. bis bald muntsch mam