hola, wie geits? duet mir leid dassi nüm so viu schribe abr ig ha eifach gar ke zyt hie :-)) = muess id schueu ga, ufgabe am strand mache, sünnele, im meer bade u ässe u am strand pfüsälä... u hei ga znacht ässe u de i usgang... auso dir gseht ig ha immer vous programm :-)

ig ha itz mini letschti wuche in samara gha u muess säge, ig bi scho zimlech truurig dassi itz muess ga, wüu es isch würklech u cool gsi u ig has so gnosse hie... u ha o viu lüt kennt u am abe gseht mä sowieso immer ds ganze dorf... u itz heissts de o gli abschid nä vo costa rica :-( aber zersch chunnt no d anita, jupppiiii scho morn :-) u de gö mir no zäme ga reisle, wird sicher super u i fröie mi riiiisig

i mire letschte wuche hani einzuungerricht gha, wüus niemer meh i mis level gschafft het, bi itz im fortgschrittnige level avanzado 2, isch no cool gsi, aber haut o sehr asträngend wüui scho mega viu ha müesse rede, dh eigentlech die ganz zyt, aber derfür hani o nume 3h anstatt 4h schueu gha u immer ä tonne ufzgi... mini lehrerin isch vo spanie u si redt ganz schnäu u seit immer vale :-) u lisbelet haut wägem akzänt, auso ig finge ja ds spanische spanisch nid schön...heis aber luschtig gha wüu mir viu diskutiert hei.. u ig ha no mini letschti wuche mit bartour verbracht...geschter isch mini letschti ladysnight gsi im tabanuco u i muess säge mir hei gloub aui zviu trunke... hmm... eh ja :-) u nach knapp 1h schlaf isches scho chli sträng gsi am morge wider uf u am 8h schueu zha...aber isch no easy gsi es git ja zum glück kafi :-) u när hani no müesse wie jede friti tescht schribe, ha auso 90% gha...isch ja no guet.. u de hani o no mis diplom becho jupppiiii...

geschter hani übrigens no es skorpion ir duschi gseh bi mire familia tica... isch zwar nume es chlises gsi aber glich gruusig...isch schono interessant wieviu huustierli dassi zcosta rica ha; affe wo ide böim vorem huus ei riisä lärm geng mache, eidechsli, iguanas, müsli, skorpion, 2 hüng... 2 röss... eh ja das wärs gloub öpe, ah nei ä frösch hets o no ab und zue... :-) u natürlech kakerlake... aber das isch hie normau, ig hoffe nume dass sech kes skorpion i mim rucksack versteckt het... :-/

so u mi gaschtbrüetsch isch sit am mänti taxichauffeur, auso aus näbejob macht är das... u hüt fahrt är mi u es paar angeri zumene schöne strand u chunnt üs de wider cho abhole nachem sunneungergang... u morn heissts byebye samara :-( isch aber ä schöni erfahrig gsi aber 5 wuche strand isch scho asträngend, i muess säge i ha kes zytgfüeu meh u weiss aube o gar nüm wele tag dass isch oder weles datum... u itz fröii mi uf 2 wuche reise :-) hasta luego, ig hoffe dassi de wider chli meh chume zum schribe besos