hola, que tal? so ig ha ândlech widermau zyt gfunge zum schribe... mis laebe zcosta rica isch sehr astraengend; schlafe, aesse, schueu u strand... mini familie isch mega naett u d mama tica chochet mega fein, auso ja, ig ha o scho sache gha wo nid fein si gsi... mini mama tica vermietet velos u wueu das gaebiger isch hani daenkt i miete eis, pro wuche zahli $20 was ja eigentlech nid viu isch u es isch ja fuer d familie... mi gaschtbruetsch het ae fruendin u isch ueber beidi ohre verliebt u mini gaschtschwo studiert z san jose... die letschte 2 wuche bini jede abe furt gsi mit dr tatjana, dr jasmin, em jorge u em paescu, isch oemu immer u luschtig gsi... d tatjana isch mit mir ir klass gsi u si natuerlech aui vor schwyz... es het fasch nume duetschi oder schwizer... uf jede fau hei mir o ae mega coole lehrer gha, dr nelson... aer het mi de o grad abgstaemplet mit fiestas u bier (= ig ha ihm gseit dassi nume agua con hielo trinke, mit iis) u aer het das immer so luschtig gfunge dass mir jede abe bis frueh am morge furt si gsi u ja aer het mi jede tag dermit ufzoge... am maendi isch aube ladies night im arriba u am donnschti im tabanuco u de isch relativ viu los eigentlech.. u am donnschti ir erschte wuche bini gloub ersch am 3 oder so daheim gsi u ha am 8ti schueu gha, bi zimlech kaputt gsi aber es git ja zum glueck kafi :-) u jede friti muesse mir ae tescht schribe, dae zeut zwar nid aber mir muessene glich mache.... ig ha trotz zweni schlaf u no chli chopfweh 96 vo 100 punkt gha juppiii hihi am wucheaend bini mit dr tatjana u mit dr jasmin z samara blibe u mir hei eifach dr strand gnosse... am sunnti bini no mit dr jasmin ga ritte, het mir abr nid so gfaue.. ig bi ja no nie ga ritte u mis ross het aube chli bloed da wes steil abe gange isch de heter aube nuem woeue witerloufe oder de heter eifach die ganz zyt woeue fraesse... i bi oemu froh gsi wo mir de wider si am strand gsi... letscht wuche hani o no mau mitem nelson schueu gha u ig ha usegfunge dass aer vor es paar taeg o zviu trunke het u het ues mit chopfweh muesse schueu gaeh... de hani ihn o mau choenne uslache :-) dr strand isch grad vor dr schueu... uesi einzigi sorg isch aube we leguane vo dae paume abegheie oder kokosnuess oder paumebletter... isch imfau no raecht gfaehrlech aber suesch pura vida :-) letscht samschti bini no mit es paarne uf d delfintour gange... mir hei leider ke einzig delfin gseh, derfuer a wau u schiudchroetli :-) u die wuche hani mit dr nelsy schueu, si isch o naett aber mega straeng... so lehri oemu de no viu.. suesch lehri ja nid so viu spanisch wenni nume geng duetsch rede... so i ga mau wider chli a strand ga ufgabe mache... wuensche nech ae schoene abe u hasta lluego, besitos