Profile
Blog
Photos
Videos
buenas! ig hoffe öich geits aune guet.. auso mir geits super... am friti hani am 6i am morgä mit dr jessica u mit dr biene bir schueu abgmacht, wüu mir üs zäme hei agmäudet zum ga rafte... am 20 ab 6i isch de ä chline bus üs dert cho abhole... mir hei eigentlech problemlos mitem bus chönne bis id schueu fahre wüus scho busse het gha am morgä... d biene u ig si no so kaputt gsi vom usgang am donnschti wüu mir si öpe ersch am 1h hei gange u spetischtens am 5i hani ja wider müesse ufstah aber wüui no mini sache für ds rafte ha parat gmacht isch sicher öpe 2 gsi woni ids bett bi oder no speter sogar... uf jede fau hei mir üs riiisig gfröit uf ds schlafe im taxi aber us däm isch leider nüt worde... dr chauffeur het de no ä ami müesse bimene hotel ga abhole wo uf dr durchreis isch gsi u aber o het wöue rafte... de het är mit üs afa rede u mir hei doch nume wöue schlafe... naja... plötzlech hautet dr chauffeur irgendwo am stadtrand vo san jose a u seit mir müesse itz usstige u ufe richtig minibös warte... hhm sehr komisch mir si nid druscho warum.. u die einti isch touriguide vo dere organisation wo mit üs het gwartet u het üs erklärt dass dä chauffeur üs nume hätt zum träffpunkt söue fahre u dass mir dert eigentlech d gruppe vou amis hätte söue träffe aber die si im stou blibe stecke u mir hei sicher meh aus ä haubstung irgendwo in san jose müesse am strasserand warte, wie bsteut u nid abghout u so siches o chli gsi... u d biene u ig hei no lang müesse warte zum schlafe... uf jede fau isch de irgendwenn dä bös cho u het üs ufgablet... dr bös isch scho vou gsi u mir si die letschte gsi wo si abghout worde... de het dr eint guide eifach afa rede u rede u rede u het nüm ufghört.. i muess no säge dass d fahrt nach turialba öpe 1h30 bis 2h geit u är het würklech fasch die ganzi zyt gredt u schlafe hei mir nid chönne wöu mir hei üs de no müesse vorsteue u chli öpis über üs verzeue... u dr anger ami wo mit üs isch cho isch sehr charmant gsi är het gmeint mir gsäche mega verpennt u scheisse us, merci für ds komplimänt a dere steu :-) auso är het gmeint haut übernächtigt wüu mir ganz chlini ouge hei gha :-) i bi de froh gsi wo mir ds turialba si acho u hei chönne zmörgälä, es het gallo pinto gä, rüehrei, würschtli, fruchtsalat, toast anke u konfi u kafi u fruchtsaft... nachem kafi isches de aune chli besser gange u mir hei langsam wider ufgläbt :-) när hei mir no churz zyt gha zum churzi hose u tshirt alege u no chli sunnecreme istriche... ds gepäck hei mir chönne dert igschpliesse wüu das de ds änd isch gsi vom rafte... de isches nomau öpe 40min bärguf gange mitem bös, zum glück hani ä reisetablette gno wüu d strass isch eifach ä naturstrass gsi... u de hei si üs no d instruktione erklärt, bi zwar bir häufti nid drus cho aber das hei mir de no ufem boot chönne üebe... de hei mir aui müesse ä heum alege u schwümmweste u üsi turnschueh... u scho isches losgange, es het immer 6er boot gä u mir si aues froue gsi u ei maa u üse guide... am afang isches nid schwirig gsi, muess no säge dass mir level 4 hei wöue mache, ds isch ds schwirigschte wome cha, level 5 u level 6 isch schins für profis... u ja ig aus afänger grad ds schwirigschte level naja, ha scho chli bedänke gha... so die erschte paarmau isches scho chli komisch gsi aber när hani usegfunge wieme ds glichgwicht cha bhaute u so u de hets so gfägt... u jedes mau wos schwiriger isch worde hets nomeh gfägt u jedesmau simer vou nass derbi worde aber isch so cool gsi... nach öpe 3h hets de mau zmittag gä.. üsi guides hei fajitas vorbereitet u de hets früsche fruchtsaft gä u de no früschi ananas isch auso es super zmittag gsi aber mir hei n är so chaut gha wüus langsam bedeckt isch gsi u mir si durchnesst gsi... isch när nüm so luschtig gsi nass zwärde wüui würklech chaut ha gha aber nachem zmittag isches öpe nume no 1h gange, isch trotzdäm super gsi... ha mi erscht tucan gseh u ganz viu schmätterlinge, u vögu... u d natur isch wunderschön, dr fluss geit eifach zmitts düre rägewaud u ds isch schono beidruckend u haut eifach gwautig was d natur aues zbiete het... u mängisch simer a chline wasserfäu verbi u scho nume das isch wunderschön gsi eifach zmitts im grüene ä wasserfau zgseh, auso das würdi no grad mau machhe es isch so cool gsi... dr typ bi üs uufem boot isch de no ids wasser gheit, chli pinlech für ihn wüu mir ja süsch nume froue si gsi... u är hets gloub gar nid luschtig gfunge hihi... u zwüschedüre wos nid viu strömig het gha hei mir chönne bädäle, mir si ja mit dä schwümmweschte nid ungergange u vo dämhär het mä sech eifach chönne im wasser la tribe u d natur gniesse... wo mir de am ziu si acho hani mi nume gfröit uf trochni chleider... u we üs d schueu gseit hätt dass mir vo dert us grad nach tortuguero hätte chönne hätte mir das natürlech gmacht u mir si chli gnärvt gsi wüu mir das nid hei erfahre aber itz, das isch haut costa rica... mir si de mitem bös wider abgfahre u dä het üs o wider bir schueu abglade... mir si de aui 3 no ga ichoufe für am wucheänd, d biene het unbedingt wöue choche z tortuguero u ig ha eifach chli frücht ikouft... u wüu mir am 6i am abe si z san jose acho bini mitem bös hei, ha aber öpe 45min gwartet wüus eifach ke bös het gha u wenn de heter nid ghaute wüuer scho vou isch gsi... naja irgendwenn bini de o daheim acho u ha auso scho zimlech sunnebrand gha ade bei aber itz das wird de mau brun :-) i bi de grad i mis zimmer u ha mini sache packt für nach tortuguero u bi so kaputt gsi dassi öpe am haubi 10ni scho bi ga ga schlafe :-)
- comments
antonia Hoffentlech geits dir super, :-D Schient immer kli es abentür z si mit de bus ob me o würklech achunnt :-)