Profile
Blog
Photos
Videos
hola, auso ig ha de guet gschlafe vo friti uf samschti :-) am haubi 8ti hani zmörgälet, mi papatico het äxtra pancakes gmacht, aues säubergmacht, u es het früschi frücht gä... ds isch es super zmorgä gsi.. am 10ab 8ti hätt mi ds taxi söue cho hole für a busbahnhof es isch aber scho am 8ti vor dr tüür gsi... ha mi vo mim papatico verabschidet u är het mir es schöns wucheänd gwünscht... am 10ab 8ti simer de bir biene gsi obwou es hätt eigentlech grad umgekehrt söue si aber itz... uf jede fau simer de am haubi 9i bim busbahnhof gsi u eine wo dert schaffet het üs gfragt wo mir de härä wei u hei gseit nach carriari u vo dert us de mitemne angere bus nach panova, tortuguero... u är het gmeint mir müesse haut üsi tickets umtusche wüu am 9i fahri ke bös.. mir si nid drus cho warum u irgendwenn heter de öpis gseit vowäge die strass sigi gsperrt u mä müesst über turrialba fahre.. wüu d biene ke spanisch cha hani müesse frage wäg nöie tickets... dä am schauter het scho glachet wüui öpe 10mau gfragt ha öb das itz o würklech richtig sig u i wöug de nid nomau cho d tickets wächsle... är het nume gseit nenei das sigi scho richtig, mir hei öpe no 1000colones müesse drufzahle... u dr nächscht bös isch ersch am haubi 11 gfahre.. ig ha de no am hostel aglüte u es zimmer reserviert wüu mir vou vergässe hei ds zimmer ds bueche ir schueu, aber ds isch kes problem gsi es het no platz gha...dä wo üs scho vorhär ghulfe het isch de nomau cho frage öb mir d billets hei chönne zrügggäh u de ischer am 10ni nomau cho u het gseit dass mir itz i bös chönne isige, dr bös isch eifach abgfahre sobaud aui im bös si drin gsi, d zyt isch da nid so wichtig... ändlech im bös hei mir üs chönne uf 4h bösfahre fröie... vorauem söttme ja ds gepäck immer bi sech trage u mir si zhingerscht gsi wüus dert am meischte platz het gha... d biene het de gschlafe u i cha chli spanisch glehrt... dä wo näb mir isch ghocket isch o no ä nätte gsi dä het üs de gseit womir müesse usstige... ds carriari si mir am schauter ga frage wo mir chöi d busbillets choufe nach panova u är het nume gmeint dassme das bim fahrer diräkt zaut... ha no gfragt wo dr bös fahrt u är het gwantwortet en la calle, merci das isch nid grad sehr hiufrich gsi u mir hei dr bös nume per zuefau gfunge wüu är üs am strasserand ufgläse het... am 3 isch dr letscht bös nach panova gfahre u es isch churz vor 3 gsi.. süsch hätte mir äuä müesse ds carriari übernachte... uf jede fau het dä aghaute wüuer gseh het dass mir zwöi touris mit rucksack äuä nach tortuguero wei u de heter äxtra aghaute u üs mitgno... d böshautesteu isch nid wit wäg gsi aber mir hättes äuä nid gfunge u niemer het üs chönne die information gä... naja... vo carriari simer öpe no 1h gfahre u vom bös us hei mir üse fründ vom vorhärig bös no gseh u hei ihm de no gwunke, är het ömu glachet u fröid gha :-) wo mir ds panova si acho hei mir d billets chönne choufe für ds boot u de simer nomau öpe 1h ungerwägs gsi... öpe am 6i am abe simer de mau ds tortuguero acho u dä vom hostel isch üs cho abhole... aus erschts het är üs zur touriinfo bracht wüu mir hei müesse üsi trips bueche für am sunnti...mir hei ä canoefahrt buechet wo am 6i am morge het agfange zum tier beobachte u ig ha de am nami no ä spaziergang düre waud buechet mitemne guide wüui haut ha gfunge dassme mit guide eifach meh gseht u de hei mir no ä nachttour buechet düre waud... mir hei de när ids zimmer chönne u d biene het scho bekanntschaft gschlosse mit 2 ängländer u het mit dene afa rede u plötzlech isch de d nicole vor mir gstange, si geit mit mir id schueu u si het äbä gseit dassi de o da wird si am wucheänd... u de hani mit ihre u mit dr korin chönne ga znacht ässe im miss miriam, dert söus ds beschte pollo con salsa gä uf karibischi art... bi grad froh gsi hani mit dene zwöi chönne ga ässe, wüu d biene ja lieber kochet het im hostel... u mir hei de ä gmüetleche abe gha... am sunnti am morgä früeh hei mir ganz viu affe gseh u viu vögu u dr guide het üs de irgendwo absetzt mitem canoe u het gseit mir söue üs ade büsch feschthäbä dass ds canoe nid furtschwümmt u är göngi üs ä rote chline giftige frosch ga sueche im waud... är isch sicher 30min furt gsi u mir hei nid gwüsst öber überhoupt no läbt wüu dä frosch isch würklech sehr giftig u cha für üs tödlech si... u mir hei scho überleit was mir wette mache we üse guide nüm ume chunnt u plötzlech ischer de wider uftoucht, mitem frosch ir hang, jupppiiii :-) d canoefahrt isch öpe bis am 9ni gange u hei no chlini krokodiu gseh u 1 schiudchrot... mir hei de im hostel zmorgä gässe, üsi frücht wo mir hei mitgno... u d biene het de gseit si wott im hostel blibe u si sig haut hässig wüui am nami no dr daywalk buechet heig u si das nid het wöue... i bi de chli a strand gange haut ohni biene wüu si ja o nid mit a strand het wöue cho u de biini dert chli gsi... aber zum bade isches nüt, het viu z höchi wäue u wüui alei bi gsi hani mini sache o nid chönne unbeufsichtigt am strand la... de bini no chli dür ds dörfli gloffe u speter de ga ds mittag ässe im hostel, haut ohni biene wüui grad ke lsucht ha gha mit ihre öpis zmache wüu si immer so blöd het da... i bi de gmüetlech dr daywalk ga mache, ha no müesse stifu miete wüus rächt schlammig isch gsi im waud wüus so viu rägnet dert... mitem guide hei mir ganz viu affe gseh u papageie u no ä chlini aber sehr giftegi schlange woni nie im läbä hätt gseh... dr guide het es fernglas derbi gha u so het mä d tier u guet chönne beobachte, es isch sehr interessant gsi... woni bi zrügg cho isch öpe scho 5i gsi u de het d biene gmeint si wott unbedingt dert ga ässe woni geschter bi gsi mit dr nicole u dr korin u ds het mi o no grad mau agschisse wüu si ja mit üs hätt chönne mitcho u wüui ke luscht ha gha nomau dert ga zässe aber has de glich gmacht wüui nid nomau ha möge mit ihre stürme... am haubi 7ni isch dr anger guide vom morge üs im hostel cho abhole für d nachttour... leider hei mir nid viu tier gseh, viu frösch u höigümper aber es isch trotzdäm es abentüür gsi ohni liecht düre waud ds loufe u zwüsse dasses da wiudi tier het wo o gfährlech si... dr wäg isch vou schlamm gsi u mir si mit dä gummistifu immer blibe stecke.. ds highlight isch dr grüen frosch mit dä rotä ouge gsi... ganz ä härzige chline frosch wo mir de o hei dörfe id häng nä u dä isch ganz chaut gsi... isch auso o mau es erläbnis gsi u würdi aune empfähle wo nach costa rica wei ga :-) dr guide het d biene u mi no wöue ufenes bier ilade aber da simer de nid mit hei aber no chli mit ihm gredt... ds coole isch gsi dass aui toure uf spanisch si gsi, bi ja hie zum spanisch lehre :-) am mändi bini ja nid id schueu wüui ersch denn bi hei gfahre... ha am 11i ds boot gno für nach panova... ungerwägs hei mir mega viu krokodiu gseh wo schön gläge si u gsünnelet hei... u ds panova hätti 1h müesse ufe bös warte de isch ä ami u ä kananider mi cho frage öbi o nach san jose ga.. u ig so ja, u si so ja si hei drum es taxi organisiert u scho zaut u i chönnt mit ihne mitfahre.. zersch hani dänkt das isch nid so sicher aber bi de glich mitgange i meine es si touris gsi u amis u kanadier si eigentlech immer luschtig de bini mit ihne im taxi mitgfahre u ha nidmau öpis müesse zahle... mir hei natürlech öpe nume 4h gha, aber mir hätte o weniger gha we dr taxifahrer nid über umwäge zu mir hei wär gfahre.. isch ömu ä luschtegi fahrt gsi u mini gaschtfamilie het natürlech nid schlächt gstuunet dassi nüt ha müesse zahle u ersch no im taxi bi heigfahre u das vo tortuguero !!! die angere hei öpe $60 dollars zaut was würklech nid tüür isch für sone witi strecki... bi o froh gsi dassi öpe scho am haubi 4i bi daheim gsi wüu mini mamatica het am sunnti geburi gha u si het am mändi aber ersch ds feschtli gmacht mit ihrne fründe u familie... u ig bi o iglade gsi :-) ha grad zyt gha zum no ga dusche u mi angers alege.. si hei de es gebät ufgseit wo öpe 1h isch gange, das mitem rosechranz, da i nid katholisch bi hani ke ahnig für was das isch aber isch ömu mau interessant gsi das zgseh o weni nüt verstange ha... när hets ä mega feini säubergmachti sangria gä u meeeega feini gebäck wo die einti tochter gmacht het... när hets no süessi gebäck gä u kafi u speter de no chueche... ds fescht isch nid so lang gange wüu die meischte de hei hei müesse.. isch aber sehr schön gsi.. u d schwöschter vo mire mamatica het sech de chli mit mir abgä wüui süsch nid gross ha chönne mitrede u si isch äbä mitemne schwizer ghürate... speter simer de no zur silvia, d tochter vo mire gascshtfamilie wo jede tag dr adrian zu üs bringt, ds grossching... dert hani de no d klara troffe, si geit o mit mir id schueu u wohnt äbä bir silvia.. isch super gsi mau ds gseh wie angeri so läbä... uf jede fau hani u fröid gha dass si mi mitgno hei u mi i ihres läbä integriert hei.. am zischti isch de wider schueu agseit gsi, si hei mi scho vermisst ir klass, wie härzig :-) u dr eint isch 19ni worde u dr john het übere mittag panchos kouft u üsi lehrerin d marcia het o no so fruchtchüechli kouft... d panchos si mega fein, so ähnlech wie berliner ohni konfi mit schoggi überzoge, nei gar nid maschtig neneni :-) u letscht wuche het ja d biene ihre letscht schueutag gha de het dr john üs aune donuts mitbracht, o gar nid maschtig, i gloube i chume mit 10kilo meh zrügg id schwiz wüu die so feini sache hei zum ässe :-) miammm
so das wär mis wucheänd in tortuguero gsi, nid ds beschte wüuis haut nüm so guet ha gha mit dr biene aber isch nid schlimm, i bi lieber allei ungerwägs aus mitere schlächte begleitig u ha glich no ds beschte gmacht us dr situation u bi eigentlech zfride mitem wucheänd wüui das ha gmach woni äbä ha wöue mache u wo für mi lohnenswärt isch gsi u schlussändlech isch ja das wome gseh het ds wichtigschte u das wome i erinnerig bhautet...
- comments
nelly reinmann Hallo, interessant deine Berichte vom we. da möchte man am liebsten auch hin. weiterhin viel spass. muntsch mam und auch herzliche grüsse vom grosi
Antonia Hey das tönt ja alles mega spannend. Möcht o. Da hesch du recht geisch besser allei, als die ihre apasse wo ke lust het öbis z mache. Musch jetzt profitiere. :-) pass uf mit de giftige frösch und schlange und so. ;-) hab dich lieb müntschi