hola! todo bien? mir heis immer so luschtig ir schueu wüu dr greg, amerikaner, so luschtigs züg seit, z.b. immer we d lehrerin es biud vomene tier zeigt de seit är dass das sis znacht sigi, är isst drum sehr gärn u aues mügleche u het o scho fasch aues gässe wome cha ässe oder o süsch eifach luschtegi komentär abgit u geschter nach dr schueu bini no id mall san pedro wo grad 1 block vor schueu wäg isch (1block = vom eint strassäeggä zum anger, egau öb das 50m si oder 100m es isch eifach immer 1block)... die mall isch riisig u mä cha so zimlech aues choufe aber es isch o rächt tüür... bi mit es paarne vor schueu gange u hei dert salat u früschä fruchtsaft trunke u aschliessend bini mit es paar amerikanische studänte no ids chino... d sitze im chino si wie schoukustüeu mä cha so hin u här schoukle währendem fium luege :-) u jede mittwuch gits äbä 2 tickets zum pris vo 1. mit dene woni ha znacht gässe si nid mit ids chino cho die si de no ine bar... u wo dr fium isch fertig gsi simer mitem bös hei, es isch auso nid so gfährlech wie aui geng säge aber so ganz allei würdi nid mitem bös hei wüus mir doch chli zgfährlech wär aber so bis am 9ni am abe geits... u hüt bini hani mit dr biene u mit eim vo ihrne hostbrothers wöue ids kunschtmuseum ga vo costa rica.. ig ha 1h am nami gschwänzt aiiii u das scho ir erschte wuche :-) mir si mitem bös bis ids zentrum u vo dert gloffe wüu mir aber nid richtig gwüsst hei wo dass ds kunschtmuseum isch si mer eifach ids museo nacional gange wüus grad ir nechi isch gsi... es het sehr viu schmätterlinge gha u ä chline garte aber wüu aues uf spanisch beschribe isch gsi hei mir nid sehr viu verstange.. nachdäm simer no düre märit gloffe wo sehr interessant isch, mä weiss gar nid wo häräluege wüus eifach überfüut isch mit chline sache u sächäli, wie z.b, täsche, tüecher, biuder usw... u när simer no dür d stadt gloffe, es het sooooo viu lüt u extrem viu verkehr gha es isch richtig asträngend wüus so viu zgseh git i jedem eggä... san jose isch ke schöni stadt u dräckig aber d lüt si immer schön agleit (es git natürlech o usnahme)... u ds luschtigschte isch dass fasch aui froue stögelischueu annehei aber nid chöi loufe, wüu haut d strasse unäbä si u es het o viu löcher idä strasse mä muess scho chli luege wome louft... när bini mitem bös hei u ha mit mire gaschtfamilie znacht gässe, es het riis gä u poulet u chips... ds sig es ässe wos meischtens a jedem fescht git... morn (friti) muessi scho am 5i am morgä parat si wüu mi ds taxi chunnt cho abhole.. d biene, dr alex u dr gerhard gö nach puerto viejo übers wucheänd u d schueu het üs aues organisiert... für 2 übernachtige zahle mir $26 was scho fasch wider chli tüür isch wüu highseason isch aber mir wei üs ja nid beklage... üse bös fahrt am 6h am morge ab am cocacola bhf, ds isch dr busbahnhof u aui sägä ds sig so schlimm dert wüu mä sech schnäu mau verirrt u niemer weiss gnau wo wele bus fahrt... mir hei aber es taxi vor schueu wo sött wüsse wohärä... ds bösticket hei mir o ir schueu chönne choufe hüt u das sött aues klappe... fröie mi ändlech a strand chönne zga u mau chli öpis ungernäh... i wirde de am mändi brichte wies isch gsi u wie ds reggae feeling isch gsi ;-) wünsche aune es schöns weekend besitos y hasta lluego