hüt hets papaya u banane gäh zum zmorge u süsch aues wie geng... u hüt hei dr nick u ig ds erschte mau müesse alei dr bös nä für id schueu... es si üs aber derfür zwöi angeri vor schueu cho abhole bir böshautesteu u de hei mir aui zäme chönne id schueu fahre... (u ja scho wider ä angere schwizer derbi gsi) i gloube itz de würklech dass die haubi schwiz zur zyt ds costa rica isch.. es het extrem viu lüt im bös gha u mir hei müesse stah u i sägenech das isch nid grad luschtig; erschtens fahre si wie gstört u zwöitens düesi eifach mau voubrämse u weme sech nid irgendwo are stange het de isches auso scho chli gfährlech... hüt ir schueu hani rächt viu nöii verbe glehrt u no d vergangeheisform was mau sehr nützlech isch zum redä... d biene us dütschland wo mit mir ir klass isch, mit dere hanis u luschtig aber leider isch si nume no nächscht wuche da... am mittag hani ä salat mit poulet gässe u fruchtsalat u zäme mit es paar angerne hei mir diskutiert wo mir am wucheänd chönnte härä ga, wohärä dasses geit wüsse mir no nid aber wenigstens wüsse mir wär aues mitchunnt :-) d biene het üs wöue für ds yoga ischribe aber es het zum glück ke platz meh ga für hüt :-) derfür hei mir gseit, dass mir id tanzungerricht gö am 3h... ig bi auso würklech ke gueti tänzerin u rhytmus hani o gar kene u drum hani mit dr biene tanzet... ha de müesse d schritt vom maa mache wüus zweni manne het gha u si isch mini muchacha gsi mir si die ganz zyt am lache gsi aber hey, dr tanzlehrer het üs nie müesse korrigiere u är het immer "daumenhoch" gmacht zu üs, das isch doch super mir hei so fröid gha... eh ja mä muess o ab dä chline sache fröid ha :-) wo mir hei müesse partner wächsle hani de mitem morizt tanzet u dä studiert z züri u cha mega guet tanze u mit ihm hani de ganz schnäu aui schritte chönne lehre.. u wüus vo 4h bis 5h non witer isch gange mitem tanzkurs (freiwiuig) hei mir dänkt dass mir grad da blibe.. u i muess säge nach 2h salsa u merengue tanze hanis de scho rächt guet chönne u dr tanzlehrer isch mega stouz gsi uf üs aui wüu mirs so schnäu u so guet glehrt hei, ha, mir si äbä scho chlini naturtälänt :-) am 5h het de dr nick u sini kollege uf üs gwartet u mir si aui zäme heigfahre miem bus... eigentlech wäre es paar hüt no id stadt eis ga zie, aber dr nick het nid wöue u ig ha nid allei wöue id stadt fahre... aber morn gö mir de aui ids chino, es git 2tickets zum pris vo eim... mä muess ja schliesslech scho luege wome cha spare :-) bim znacht isches u cool gsi, ig ha so zimlech aues verstange u hei mau richtig viu no gredt mit dr gaschtfamilie... d carry isch no cho, das isch eini vo newyork wo aber scho lang z costa rica läbt u schaffet u mini gaschtfamilie duet si chli ungerstüzte u hiuft ihre gloub o finanziell chli so wieni das verstange ha... u wüu d carry grad vo new york zrügg isch cho het si ganz viu güezi u schoggi mitbracht.. hüt hets bluemchöli mit ei gä (so ähnlech wie es omelette mit bluemechöli) u guacamole u früschi roti böhndli derzue u när äbä no d güetzi u immer früsche fruchtsaft... mini gaschtmuetter het gseit dass si de mau ä riiisä fruchtsalat macht für mi zum znacht wüui so gärn frücht isse, mmhhh fröie mi scho :-) ha am nick gseit dasser morn doch o söu i tanzkurs cho wüus würklech luschtig isch u wüus besser wär we mir chli meh mannä hätte.. är het de gseit dasser chunnt aber das gseh mir ja morn :-) süsch gits eigentlech nid viu zverzeue, ds highlight vo hüt isch würklech dr tanzkurs gsi :-) bi de gspannt wies morn witergeit... :-)