am 5h30 am morge si mi mini liebe eutere mitem outo cho abhole u hei mi uf züri gfahre a flughafe... wüui mit american airlines bi gfloge hani scho am schauter müesse etlechi frage beantworte u das am 7h am morgä... zum bispiu was vo mine gägeständ am meischte are waffe glicht oder öb i mis gepäck säuber packt heig u vorauem wo u wie dasses a flughafe isch cho usw... uf jede fau hani dr tescht gloub de doch bestange u si hei mi la ichecke.. am 10h10 hätt de dr flug söue starte mir si aber ersch öpe ä haubstung speter abfloge... näbe mir isch es euters ehepaar vo washington d.c. ghocket u die hei immer chli plöiderlet.. so isches nid so längwilig gsi... mir si ä haubstung früecher aus dr zytplan z newyork jfk acho, auso öpe am 12h45... när hets ei riisä schlange gha bir passkontroue u ha viu zyt verlore, sicher meh aus ä haub stung u am 16h05 isch de dr flug buechet gsi für san josé... uf jede fau hei si mi de la ireise z ny u i ha dörfe mi rucksack ga hole, dä hani de nomau müesse ufgäh u när hani nomau düre security check müesse... zum glück hani mi rucksack grad sofort wider ufgäh wüu es het extrem viu lüt gha wo schlange gstange si... eh ja i ha ja zyt gha... aber das cheibe warte geng het mi scho gli gnärvt... irgendeiisch bi de o ig dra cho u es müesse ja aui d schue abzie, jagge, aues mügleche dassme i bodyscan darf, si hei ömu nüt gfunge bi mir :-) glück gha... am 15h bini de fang bi mi mim gate gsi u ä haub stung speter hani scho chönne a board ga... zum glück hani niene verspätig gha...im flüger nach san jose hets nume jungi lüt gha u ha rächt viu scho währendem flug kenneglehrt, die meischte si aber uf dr durchreis oder gö ine angeri schueu... nach es paar stung flüge, es het mir scho aues weh da vom hocke u hunger hani o nüm gha, bini de froh gsi wo mir ändlech si glandet, erstuunlecherwis o pünktlech... mi rucksack isch o schön brav mitcho, hätti nid dänkt wüu dä z ny het es riiise gnusch gha mit dä ganze gepäckstück ufgäh u aui hei sä dert nume am bodä müesse härästeue wüu mä säuber ja ds gepäck nüm darf ufgäh, d.h es isch eifach es loufband gsi aber eine het sini koffere wider müesse ga drab hole wüu är se säuber het uf ds loufband gsteut u für das hei si das loufband sogar äxtra abgsteut... eh ja uf jede fau hei mir ds san jose o wider d passkontroue gha u bim usgang het jedes gepäckstück nomau müesse gscannt wärde obschon das nüt bracht het wüus viu lüt het gha u die gar nid hei nachemöge mit luege... zäme mitere belgierin u eire vo luzärn bini de abghou worde vor schueu u die hei üs i d familie gfahre... müed u erschöpft bini de am 22h bi mire familie acho