Profile
Blog
Photos
Videos
Holà!
Wie geits öich? Dir weit sicher wüsse wies mir geit :-D Mir geits guet, mir geits sogar sehr guet! Es gfaut mir super hie zSan José, bi eifach happy so Erfahrige chönne zmache!
Villech vo vore, auso mi Flug isch guet düre, bi em 6i em morge zGänf gsi u am 9ni isches ab nach New York gange, vor dä Sicherheitskontroue zAmerika hani ehrlech gseit chli respäkt gha. Aber tiptop isches gange. Schnäu Finger- und Handabdruck müesse gä u es paar Frage beantworte, aber isch null problemo! De het mi de dä Typ vorem I-Tscheggä zGänf müesahmer dünkt. Dä het aus cheibstonner wöue wüsse. Wenn dasi packd ha (geit dä doch nüd a,chanim ja sicher nid säge dasis die leschdä 5 minuta gmacht gha, pha!), öbi mi laptop scho einisch id Reparatur gä heigi blablabla… Düre isch düre. Bi ömu guet acho zSan José u ha de mi Mändu o gfunge womi zu mire Gaschtfamily bringt. Mis gaschdmami het mi empfange, u iri tochter cha zum glück änglisch(huff). Si isch glich aut wie ig u het scho es eijährigs ching. Spanisch redä u vrsta…tja, no nid würklech grad viu, aber das chunt no! Zhuus isch rächt schön, es het es bächli im huus mit fischli. Mis zimmerli isch sehr chli aber o ganz härzig mit eigetem WC. Leider hani nid würklech es fänschter isch geng chli fischter! Aber o schreck, was hani gseh? Erschtens e Chatz (i ha usdrücklech gseit i heigi e Chatzeallergie!) u zwöitens ä HUNG (isch gloub dr Mehrheit bekannt dassig seeeeehr Angscht ha vor Hüng)! Naja, uf spanisch säge i ha angscht vor hüng isch leider no ni i mim wortschatz inbegriffe, i träne usbräche hani irgendwie o ni chönne u drum hani das mau eifach so higno. Dr hung isch glücklecherwis seeehr aut, intressiert sech nid so für mi, isch sehr chli u meischtens duss usegsperrt. I hätti dMüglechkeit dFamilie zwächsle, aber i vrsueches iz mau, wöu di nächschti gaschtfamily het sicher sache wo mir de nid passe, u hie hani internet, nätti family u öper wo änglisch cha! Solang dassi no us dä ouge gseh wäge dä chatzehaar u solang dassi mi nid au zu fesch igängt füele wägem hundilein blibi!
Hüt bini id schueu am morge, dr schueuwäg hani mit mim gaschdmami scho „glehrt" gha, dSchueu isch härzig.zBeschtä, es het früschi Frücht zum zNüni gä!!!!:-D I bi mit ere dütsche ire Klass, ds heisst zzwöit mitere Lehrerin, nüd vo umestudiere u chli umeplöiderle, allzeitbereit u geng aktiv am redä oder so….
Zässe isch bis iz fein, bi jedem gricht gits riis u bohne. Früschi Fruchtsäft hani o scho gha, zum zmorge Tortillias gfüeut mit Riis-bohne u ei. Mit mine Gaschteutere bini ufe Märit am sunntig, sehr faszinierend i bi ja scho ne Früchte- u Gmüesliebhabere, aber dert hets tatsächlech viu Sache gha, woni no nie ha gseh! J
Schueu hani aubes am morge u em Nami bietet dschueu Usflüg u Workshops a. Hüt isch me au zäme es Nationaugricht ga ässe, übermorn gits Tanzstunde, einisch geit mä San José ga aluege usw. Auso mir gfauts hie u mir geits tip top u i gniesses!
I wünsche öich e tolli Wuche u bis es angers mau!
Hasta luego!
Tanja
- comments