Profile
Blog
Photos
Videos
Wiukomme uf mim Blog. I ha dänkd, da dir ir Schwiz no es Zytli chaud wärdet ha, u dWinterschue nid so schnäu mitem Bikini chöit itusche wienig, dueni öich mit mine Blog-Iträg u Föteli chli Wermi schicke! Dir sit härzlech iglade mini Erläbnis zCosta Rica mit zvrfouge u dörft o gärn mau das ganze kommentiere :-)
Momentan bini no grad a de Vorbereite... Packd isch leider no nid, u ono schüsch muessi no es Paar Sache organisiere.! Aber o wenni no i Stress chume, am Samschtig dr 8. Januar am morge em 9ni flügi nach Costaaaa Ricaaaaa!
Ide erschte 4 Wuche bsuechi e Sprachschueu zSan José u wirde bire Gaschtfamilie wohne. Mis spanisch besteit bis iz us es paar wenige Sätz. Was nid wird cha no wärde! :-) Nach däm Monet spanisch wirdi mitm Pietro 2i wuchene ga umereisle. Aschliessend wohni wieder bir gliche Gaschdfamilie u schaffe imne Waisehuus. I bi gspannt wasmi i däm Land aus erwartet, Kultur, Lüt, Ässe, Sprach... Estoy expectante! Oder so ähnlech...
Euch liebi Lüt wünschi e gueti Zyt, nämeds nid sträng, Viu Spass bim Läse vo mine Blog-Iträg!
Ps. Bi per Zuefau uf die Blog-Site gstosse, u so richtig agfründet hani mi no nid. Bi aber dranne! I ha scho öpis gspichered woni nüm weiss wie ändere, u mi jetzig Standort heisst drum ono Ittige/ Bermudas u nid Ittige /Switzerland. Kei Ahnig wie dassi uf die Bermudas gstosse bi. Aber bi dranne mi am afründe mit derä Blogart!:-)
- comments