Profile
Blog
Photos
Videos
Holà amigos!
Die Zyt rased nume so, hie zCosta Rica isches nid angers aus ir Schwiz! U immer no gniessis! :-)
Die leschd wuche isch o guet gsi! Am Mäntig isches witer gange mit trabajar espanol. I ha no dr glich Lehrer gha, dr Luis. Es isch würklech super mit ihm zämezschaffe u mir hei scho es paar mau pronunciacion güebt. Dr Luis hets vorgred u i has nachgred (oder zmingscht vrsuecht), aguuua aguuuua, aooooa aooooa, bibiii bibiiiii, giiiia giiia…J Mini Komilitonin isch leider gange u e angeri Schwizerin het sech drzuegseut (die cheibe Schwizer…), si isch auerdings zwöi täg chrank gsi u iha einzu Stunde chönne gniess!
I bi zwöi mau iz Center vo San José ga dr mercado Central ga erkunde. Isch fasznierend gsi wasmä dert aus cha gseh... Söufüess, Hüehnerfüess, Mondongo (E Teil vom Chuemage)…. Phuuu,ässe muessi das auso nid, zum aluege isches interessant!:-)
Iz chino bini o einisch mit mire Gaschdschwoscht. Vou nätt het si mi mitgno u dr itrit isch sage und schreibe 4Dollars gsi! Das isch ja nüüüüd!
Em Zischtig hani dänkd, dueni mi doch mau ischribe für ne Aktivität vor Schueu. Es si 4i angeri Näme gstange u de hani dänkd, wird sicher kuul. Auso, müesst nech das vorsteue. Die einti schwizerin isch chrank gsi, u die angere si drü Männer gsi. Drü Amis… Dr eint isch öpis über 40i gsi, dr zwöit isch über 50gi gsi u dritt isch 85 gsi! U i bi zkücken gsi! :-d Naja, loufe hei mir nid schnäu chönne, aber si fue muy bien! :-)
Hüt morge bini vo mim spanische Lehrer iglade worde i sini Klass ar Universität vo Costa Rica ga schwizerdütsch zredä. Es si öpe 20 Schüeler gsi u i ha mit ihne müesse Schwizerdütsch praktiziere. Ohni das spanisch redä, hehehe, isch luschtig gsi, wie si hei Grüessech wou, danke viu mau usgsproche hei….
Iz hani zMorge gässe, Gallo Pinto (Riis mit Bohne, Füerei mit Schinke), Tortillas, Ananas u costaricanische Kaffi! Langsam gwöhni mi dra, u fauses mit mim sportstudium nid klapped, machi zBärn es Costa Ricanischs Restaurant uf!
I nes paar Stung gani a Flughafe dr Pietro ga abhole! Är isch iz grad am flüge! I fröie mi! Nächscht Wuche hani no Schueu u ungernime mitm Pietro am Namittag Usflügli, u abem 5. Februar gö mir 2i wuche ga umereisle! Ir nächschte Wuche düe mir mitenang plane was mir aus wie ga aluege, fröie mi wahnsinnig druf, dNatur vo Costa Rica kennä zlerä!
Öich wünschi e schöne Sunntig! Heits guet u häbed Sorg u föd guet die nöii wuche a!
Muchos abrazos y un besito grande!
Tanja
- comments