Profile
Blog
Photos
Videos
Holà amigos!
Wie dir vom ledschdä Blogitrag wüssed, hani am Donnschtig Chochkurs gha. Mir hie es paar Frücht us Costa Rica lerä kenne, so ziemlech keni Frucht hani kennt. Zum glück hani no es paar Wücheli zum die lerä kennä! „Koched" hei mir zwöi vrschidnigi Sache. Ha im Ordner San José Föteli dri da. Zerschde isch es Bananesalat mit Zitrone-chili-Sosse gsi. Costa Ricaner ässe viu Banane, aber nid Banane-Frucht, sondern die Planta-Choch-Bananene. Zzwöite isch gsi e Empanada de banana wenni mi rächt ma erinnere. Dert hei mir e 2. Art vo Chochbanade müesse zrmuesse, die einti Heufti mit cream di angeri heufti mit Bohnemuess bestriche. Das ganze wird e chli im Bachhofe gwermt u mit Zimet bestäubt. Zum aluege isches gwöhnigsbedürftig, zum ässe naja. Zum probiere fein, zum Lieblingsgricht wirds nid grad! J
Am Abe si mir i Usgang ine Salsaschuppe. Zum tanze bini cho, dMusig isch super gsi u es het gfägt! Salsatanze haut! J
Am Fritig hani ändlech wieder chli grüen gseh, mir si zur gröschte Universität vo Costa Rica, u dert imne Park chli ga si. E haub stung vor Schueu enfernt, aber vou schöns Universitätsareau. Gmüetlech gsi u iz isch zWätter o besser aus ir erschte Wuche, sunnig u wermer!
Am Samschtig si es paari vor schueu u ig ufene Tour. Mir si em 8i losgfahre richtig Norde vo Costa Rica. Ungerwägs hei mir no ne haut gmacht imne Suvenirshop u em 12i no für zMittag ässe. U em eis si mir de bim Thermaubad acho. Naja, mir si aui chli enttüscht gsi,wöu mir nid viu vom vulkan hei mitbecho. U wie dir ufde fotos chöit gseh hani nid mini Savannehuscher agleit, nei i ha äxtra chli besseri Schue agleit,wöui ha gmeint mir gönge de i Parque Arenal ga loufe u gsäche de chli öpis vor Umgäbig. Nüd isch gsi, mir hei üs dörfe fasch 5 Stung idene Thermau Beder vrtörle. U wenn dLuft bi 25° isch, het me nid no luscht so lang i heissem Wasser zbade. Isch zwar kuul gsi u mir heis guet ha, aber für dass mir so viu hei zaut u glich nüd würklech gseh hei… NAJA, touristisch haut…
Nach 11 Stung schlafe, hets zmorge gä, Riis mit Bohne, Ei, Tortillas u no Würschtli (Ja Milena, für di wär das es Paradis,gäu?!:-))! Ja ig isse schön brav mit! Hajjjj wirde das Morgeässe ir Schwiz de vrmisse…
Morn geits wieder los mit Spanisch lerä. Mis Klassegspändli geit leider wäg, mi Lehrer blibt u i bechume no ne angeri Schüelerin us dr Schwiz.
De wünschi aune e guete Start i di nöii Wuche!
Pura Vida y hasta luego!
- comments