Profile
Blog
Photos
Videos
16.17.01.2013
Surfing every day…Am Morge früh scho uf und paratgmacht für zum go surfe, so dasi scho gäg die 10 im Wasser gsi ben. S`Wetter esch do mega wechselhaft, 5min. Sunne, 5min. wolchig, 5min. räge…Jede Tag esch en andere Tag, und jedi Welle esch e anderi als die vor oder nachher, hedmer de Surflehrer gseid. Emmer vom schwarze vulkanaschige fine Sandstrand her gstartet, han in mech usekämpf. Zemlich astrenend, vorallem wend d`Wellene rechtig heftig send und sie dech schlucked…Aber med de Ziit hedmer e chli Technick duse zum am beste über oder under de Wellene durezcho um chli weg vom Strand zcho. Vorallem de letsche zwei Täg beni go greenwater Wellene go surfe. Die send ca. 100m vom Strand entfernt. Das sind die wo churz vorem breche sind und den breched wend du uf em Board stosch und versuechsch emmer weder i die rechtig zcho wo d`Welle noni broche esch…velecht schwerig zum verstoh ;-) Han au sozäge ame Einzellektione gah med em Andrew. Hüt 17.01 esch er aber ergendwie verhenderet gsi und hed sini "Stellverträtig gscheckt". En ehemalige Prosurfer und en alter Hase vo Raglan… Er hed mer hüt en mega cool Spot zeiged und au wenns ab und zue gregnet hed es hammer gsi. Weder superhöchi Welle und han die 3h surfe hüt voll gnosse!
No chli öbbis zum Solscape: Dasch, wie er i de Belder velecht scho gseh händ, es recht speziells Backpackers. Die meiste do send so greenpeace, eco, grüeni. Orgnic, Rastaman Lüüt,…naja speziell;-) aber ich han jede Tag chöne selber choche und mis Kapüschen esch au recht cool.
Liebi Grüess us Raglan
- comments