Profile
Blog
Photos
Videos
19.01.2013 Hobbiton
Ich han eigentlech in Hamilton nor en Stopp gmacht um de Trip nach Hobbiton chöne durezfüere. Well Stadt Hamilton als solches esch nüd speziells. Med de Intercitycoaches Bus beni ca. 1h nach Matamata gfahre. Vo ded her hed mech den de Tourbus zum ganze Schauplatz bracht. De Schauplatz vom Movieset vo "The Hobbits" und "Herr der Ringe". Die Landschaft do esch zemli hügelig und öberall weided Schöfflis. En Tourguide hed erchlärt wie das ganze enstande und ufbaut worde esch. New Zealand Army hed do en grosse Bitrag gleistet. Wiiter heder emmer weder Felmszenene erchlärt gah wies gnau abgloffe esch. Die 37 chline hobbits holes send mega schön und extrem is detail gmacht worde. Und au de Garte, Bäum, Frücht a de Bäum, Blueme,…esch alles ächt und zemli guet erhalte. Die wo de Film The Hobbit scho gseh händ, die erchäned velecht s berüemtisti hobbit hole, das vom Bilbo und Frodo Baggin. Das ganz obe vom Hügel med de grüene Türe. Im Pub, wo in Herr der Ringe vorchund: The green Dragon heds no es alkoholfreis Herr der Ringe Bier gäh als Abschluss vo de Füherig. De ganz Schauplatz esch no mega guet erhalte und es esch würklich wie im Film. Usserd s`inneläbe vo de Hüsser god nome ca. 1m wiit, alles anderi händs im Filmstudios gmacht. Vergliched Bilder und lueged d`Film nomol
- comments
tüpflischiiser A. vo E. hahahahahhahahaha Lukas, Lukas.. The Hobbit! ohni S! get au nome eine e dem ganze film ;) debii semmer en ja zäme go luege gange :P