Profile
Blog
Photos
Videos
29.01.2013 Kaikoura
Relaxing-Day…dasch hüt uf em Program gstande. Grad wos Schwimm-Thermalbad vo Hanmer Springs ufgmacht hed (10:00) beni denne gsi und hanmi i ein vo dene vellne Pools entspannt. Recht gross gsi das ganze Areal. Da d`Ferie für die Iheimische fertig sind, heds fast kei Lüüt gah am Afang. So gäg de Nommitag öbbe uf die zwei hani den med scho fast schwümmhüt zwüsche de Finger, gseid jetzt hauis wiiter. Well es hed den emmer meh und meh lüüt geh. Loss kurvt in Rechtig Kaikoura, woni schlussäntlich au übernachte. I de nöchi wom Stadtzentrum heds en Meeresabschnitt wo ame Robbe an land chömed. Es hed au welchi umegah und mer hed au chöne bis zu 5m ane. Sie send ded cool am sünnele und am sich putze gsi. Also hüt würdi säge hani vo minere bisherige Reis med em Campervan am wenigste gmacht. Relax ;-)
- comments