Profile
Blog
Photos
Videos
30.31.01.2013 Paekakariki
De leschte zwei Täg esch ned so vell los gsi. Ich bin so gäg de Nommitag am 30igst amne Platz gsi bem Cloudy Bay, dasch zwüsche Belnheim und Picton. Död hani den au öbernachtet. Ca. 2min. vo dem Platz heds e gueti Fischerstell gah, wo sich die Iheimische eri Fisch usezoge händ. Wär zwar au gern so wie in Canada chli am Fische gsi aber ohni Lizenz und Usrüstig gots ja ned. Defür heds en schöne Sunneuntergang geh…Am 31. Hani den Ferrie vo Picton nach Wellinton werder öber uf d`Nordinsle gno. Aber zersch no zu de Strecki i dere Region (Marlborough). Zemli trockni gägend, jedoch esch sie bekannt für guete Wii. Drum heds au womer anegluegt hed, nume Rebstöck gah und med de Berge hendedrah hed das es schöns Bild geh. Fahrt med de Ferrie esch wederum wunderschön gsi well s`Wetter emmerno super esch. Obwohl`s öbbe i de hälfti vo de Strecki extrem gwinded hed. Defür send denn no Delfine zgummpe cho. Nachher in Wellington hani leider die meisti Ziit im Stau verbracht, extrem vell Lüüt gah uf de Strasse.
- comments