Profile
Blog
Photos
Videos
24.01.2013 Franz Josef Glacier
Vo Murchison abgfahre beni rechtig West Küste kurvt. Emmer am Buller River entlang bes as Meer use. Die ganz West Coast woni hüt abgfahre bin, esch unglaublich schön gsi, med dene Felsene und Stränd und`s Meer……En Zwüschehalt hani für de Truman Track und für Punakaiki gmacht. De Truman Track esch eigentlech nüd super speziells gsi esch aber gnau rechtig gsi für en Mittagsrast. Wiiter den be de Punakaiki (Pancake Rocks) hani wederum en Halt gmacht. Sie gsänd wörkli us wie so gschichteti Pancakes ;-) De Küste enlang südlich, dur Greymouth dore rechtig Franz Josef Glacier. Und a de Küste emmer medemneh schöne Ussblick;-)…Bem Franz Josef Gletscher Village a cho hani mer e Übernachtigsstell gsuecht und mech medemneh Barbecue verstärcht, obwohl es Fondue oder es Racelette wer au zemli geil gsi ;-). Nachher beni no nöcher zum Gletscher und han de Track zu de Gletscherzunge gmacht. Leider esch alles abgsperrt gsi und mer hed nome 500m vor de Gletscher chöne ane, wells anschinend de letschte Jahre zfell Todesunglück vo Turiste gah hed…Die meiste do flüged med em Heli ufe und mached den e Füherig. Demenstpächend hedmer au emmer das Probellergrüsch i de Ohre gah. Mer hed d`Sicht vo unde her glanged ;-). Gäg de Obig heds zimlich abküehled aber de Tag dur hani so 20-25° C und direkt a de Sunne gfühlti 40, gah…
- comments