Profile
Blog
Photos
Videos
13.01
De letschi Tag in Auckland bevors wiiter gange esch nach Raglan hani denkt machi no en chline Usflug. Med de Ferry beni , nöd wiit, 20 min. gfahre nach Devenport. Dasch es chlises Stätli uf ere Insle grad be Auckland. Navy vo Neuseeland esch den onderanderem stationiert…Wasi gmacht han, ich ben uf de Mt. Victoria ufe, en chline Hügel öbbe i de mitti vo de Insle. Vo död her hani be super Wetter e mega schöni Sicht uf Auckland gah!
14.01
Am nöchste Morge beni früeh uf und med em Bus via Hamilton uf Raglan gfahre. Raglan esch das Surfmekka in Neuseeland. Pünktlich ded acho hedmi ein vom Solscape abgholt. Das esch es zimli speziells Backpackers ca. 10 min. usserhalb vo Raglan. Woni ide Stadt acho bin hani so en gwüssnige surfer, skater, hänger, chiller Idruck gah vo de Stadt. Grad am glliche Tag no hani mini erst Surflesson gah bem Surflehrer Andrew. Amne unglaublich schöne Ort chöne surfelehre esch so cool gsi. Leider heds emmer weder mol chli gregnet aber das hed überhaupt ned gstört mer esch ja sowiso im Wasser gsi ;-) nach 3h Stunde surfe öbbis gässe und norno de schlaff gsuecht ;-)
15.01.
Am 10i am Morge weder grad 3h surfe. Hüt send d Welle bsundersch starch gsi wells so fest gwinded hed. Fitness pur gsi die 3h. Aber han de kick langsam dusse und verwütsche die Welle feng rechtig guet für ersch de zweiti Surfgang. Es esch so es hammer gfühl uf em Brett stah und 10,20 sekunde chöne surfe. Am Nommitag beni den no Raglan selber chli go aluege. S`Problem esch gsi wie chomi am beste id Stadt. Die a de Rezeption hed gmeind ich sell e mol los laufe und wenn es Auto chund eifach "Daumen Hoch", so beni mol losgloffe und siehe da östricher wo au i dem backpackers send händmi medgno. Plötzli heds nach sunneschi afo regne, natürli gnau den wonni han welle los zrugg is camp. Aber nach gueti 50m hedmi scho de ersti ufgabled und medgno Bilder folgen....
- comments