Profile
Blog
Photos
Videos
04.05.02.2013 Auckland
04.02.2013 Am Morge frühe vom Lake Karapiro verabschieded beni wiiter rechtig Hamilton woni en Zmorgestopp gmacht han. Gäg de Mittag beni den in Auckland acho. I de Stadt hani en Parkplatz gsuecht für öbbe 3-4h. Tüüreer als in Zürich esch es ufjedefall, ich han zum Glück no en „günstige" Parkplatz gfunde aber glich no gnueg zahlt. I de Stadt hani mer es cools Pub gsucht wo de Super Bowl übertreit hed. Zwar fahred Neuseeländer vell meh uf Rugby als uf Football ab, aber es esch glich cool gsi. Gern hetti no es kühles Blondes wie i dene super Werbige wos brocht händ dezue gno aber: Don`t drink and drive. Well ich ben den nochli wiiter, für en guete Nachtplatz nach Muriwai Beach, gfahre. Leider heds de ganz Tag emmer weder gregnet und vorallem Zobig heds abegleert was hed chöne.
05.02.2013 Hüt hani müesse de Campervan zurgbringe. Es Highlight… Nachemne chline Autoputz beni am halbi 8i los zum Autovermietigszenter i de nöchi vom Flughafe (gemäss Google-Maps:40min.). 10ab 10i eschs denn gsi und 10min. spot aber das hed nüd gmacht, woni acho bin. Au wenni die schnellst und korekti Route gfahre bin, im Stau chammer ned uswiiche und das es fast LA mässig gsi esch hed ich selber ned denkt vo Auckland. Ich han de Van ebe sölle med leere Tank zrug bringe, wellen volle übercho han. Ganz secher med em leste Tropfe beni död am Autozenter a cho. S`Lämpli hed scho sehr lang ufglüchtet…grad chli Glück gah, ned zmezt im Stau stah zblibe ;-) Jetzt beni in Auckland imne Hostel und plan nochli für die nächste paar Tääg.
- comments