Profile
Blog
Photos
Videos
Studentenleben und mehr
Jetzt bini doch scho wieder 3.5 Wuche in Kingston!! Ziit lauft… Ich han mi guet iglaebt und weiss langsam wo alles isch. Mit mim Zimmer hanis wie scho gseit guet troffe. Mir haend jetzt au na de 5. Mitbewohner uebercho. Er chunt vo Chile. Mir sind also zimli international.
Jetzt hani au scho die erschte Stunde gha und naechscht Wuche isch den definitiv nur na Schuel. Alles Administrative erledigt und kei Infoveranstaltige me. I eim Fach hani gmerkt, dass es chan astrengend si wenn alles uf Englisch isch… Ich han zwar ueberhaupt kei Problem dLuet (dProfs) zverstah, aber wennd glichzitig muesch am Lehrer zue lose und im Script lese und halt wills noed immer gaht klar isch en Abschnitt au 2mal lese isch das scho na ermuedend. Aber ich denke da chume denn nach es paar Wuche scho dri. DProfessore woni han sind alles easy Type und v.a eine sogar sehr luschtig. Und min Co-Supervisor (nebem Urs Wyss) isch mega guet truf. Geschter haet er grad all sini Studis woner betreut zumene Bier (oder 2) iglade. Mit de Mitstudente woni bis jetzt troffe han chumi sehr guet us und es gseht us alls werdi da e gueti Ziit verlaebe!
Jetzt fanged denn au dSportagebot wo Queen's haet a. Und es haet verdammt vil. Eigentlich haetti gar kei Ziit zum studiere… Ich bin jetzt mal am Ruederclub bi trette und villicht fangi au na a Segle. Oeppis woni vermuetlich au na mache isch am Outdoor Club bitrete. Die goend a Weekends go Kanufahre usw und im Winter au go Skifahre. Me choent au na 5-6 Kampfsportarte mache, Kanuclub, Fechte, Tennis, Squasch, Unihockey (das machi villich au na), Ice Hockey, Football, usw… Aber ebe ich bin ja da zum studiere ;)
Unterdesse hani au 2 PAerk zum jogge gfunde. Es sind zwar beid ca. 10-11km vo mir entfernt, aber am Wuchenend chani guet schnell mit em Velo doet annefahre und denn go renne.
Little cataraqui creek park
IMG_4985.JPG IMG_4986.JPG IMG_4994.JPG
A ja, wie mir dFrackwuche haend, haends da Frosh Week. Die isch allerdings fuer 1. JAhrstudente. Da isch denn dHoelllos uf em Campus. Alli verschiedene Departments und Klasse sind die ganz Wuche am Feschte und weiss ich noed was am mache. Vorallem die vo Applied Sciences (u.a Maschinebau) sind sehr speziell. 2,3 Jahr Studente sind violett (dFarbe vom Department) agmaled und haend z.T Irokeseschnitt und so. Die Aeltere Studente duent die 1.Jahr Studis fascht wie SKlave dur die 1.Wuche fuehre…
Ja und waere dere Wuche haech ide Umgebig vo de Uni ide Unterkuenft ei Party ade andere gse. Me gseht zwar au jetzt na wemmer am Abig dur dStrasselauft diversi Parties i Hueser.
Ja so das isch es vorerscht wieder mal gsi.
- comments