Profile
Blog
Photos
Videos
Ottawa
vor einere Wuche isch in Kanada Thanksgiving gsi. Das heisst mir haend es verlaengerets Wuchenend gah. Ich han die Glegeheit natuerli packt und bin mit em International Center am Samschtig uf Ottawa, wod Hauptstadt vo Kanada isch, gange. Leider isch a dem Samschtigs Wetter noed grad super gsi. Grau und verregnet und au scho recht chuel. Aber mir haend sowieso recht vil Ziit drinne verbracht. Mir sind gos Parliament Building aluege. Das isch en rechte Prachtsbau. Zimli imposant. Isch alles im Gotische Stil baut worde. Mir sind denn au nachli ide Stadt umegloffe aber sWaetter isch halt noed grad so iladend gsi. Wie mer scho dazumal in Australie ufgfalle isch, haets jetzt au da in Ottawa relativ vil Kriegsdaenkmaeler... Ottawa isch uebrigens mit emene Kanal (Rideau Kanal) mit em Lake Ontario verbunde. Me chan also mit em Boot vo Kingston ueber unzaehligi Schluese uf Ottawa gondle... Im Winter isch de Kanal in Ottawa anschienend die laengschti Iisbahn vo de Welt. Gangi denn sich mal go aluege im Winter.
Dluet vom International Center sind denn am Samschtig abig hei und ich bin in Ottawa blibe. Ich han naemlich am Sunntig morge amene Halbmarathon mitgmacht. Zum Glueck ischs Waetter am Sunntig voellig andersch gsi. Es isch en strahlend schoene Tag gsi, zwar echli chuel am morge aber das isch mer glich gsi. Uebernachtet hani uebrigens innere ehemalige Gfaengniszelle. Die haend da es alts Gfaengnis (sletschte wos an Haetling ghaeng haend...) in es Hostel umbaut.
Ich han also denn am Sunntig de Lauf gha und es isch mer eigentlich wuerkli super gloffe. 90min isch mis Ziel gsi und 90min und 7sekunde hani gah! Bin i minere Alterskategorie 4te worde (30s hinderem 3te...) und overall 21 vo rund 600. Snaechscht mal isch ziehl denn under 90min.... Nach em Lauf bini namel Ottawa chli go aluege und bin denn am nami mit emene Mietwage 250km in Algonquin Provincial Park gfahre. Doet hani na schnell 2 churzi hikes gmacht und han denn immene Hostel im Park uebernachtet. Am Maentig bin denn total ca. 17km go wandere. Isch zum Teil echli Schmerzvoll gsi, han de halbmarathon scho chli gmerkt . Isch en mega schoene Park. Es haet mega vil See und vil vil Wald. leider isch halt aus Wetter noed grad de Hammer gsi. Am morge hani Nebel gah und han bim eint oder ander Ussichtspunkt noed grad vil gse... aber wenigschtens haets noed gregnet. Zu de Ziit woni doet gsi bin isch de Wald immer na recht farbig gsi. DHochsaison vom Indian summer isch aber scho fasch duregsi. Aber es isch au so schoen gsi. Mit Sunne waers sicherlich besser gsi aber ich wett da jetzt noed chlage. Vo de Baere und Elch wos haet hani leider nuet gse...
Im ganze hani i zwei taeg wieder 750km gmacht mit em Auto...
Es isch es recht intensivs Weekend gsi und es haet wiedermal mega spass gmacht.
- comments