Hallo

ich han denkt ich schrieb wieder mal oeppis. Es passiert halt jetzt nueme grad so vil wie wenni am reise bin...

Geschter (25.10) hani mini erschti Pruefig gha! E sogenants Mid-term exam. Da enne haet mer eigentlich pro fach 2 Pruefige. Zerscht en Mid-term (wies de name aduete ca. ide miti vom Trimeschter) und es Final Exam. Waehrend em Semeschter haet mer eifach Assignments ("Huusufgabe") womer mues loese und abgaeh. Die mached je nach Kurs ca. 20% vo de Gsamtnote us.
Pruefig isch glaubs noed zu schlecht gange. Isch na schwer zum ischaetze. Aber es paar PUenkt soets scho ghae. Schuescht laufts ade Schuel immer na guet. Langsam wirds au echli klarer was i den fuer mis Research Projekt (Master Thesis) wird mache. De Urs Wyss isch ja jetzt bide Zimmer am schaffe (ich glaubs Chef Forschig) und er isch am abklaere oeb i mis Projekt mit Zimmer zaeme mache. So endi November soeti me wuesse.

Usserhalb vo de Uni isch alles tiptop. Huet isch nas letscht mal Ruedere. Es isch jetzt, nach ere churze warmfront (>20C) vo letscht Wuchenend wieder chueler worde. Zum Teil ischs Wetter mega schoen. Vor allem geschter. Huet isch au noed schlecht. Momentan simer immer na am Tennis spiele. Wenns den dNetz abenaehmed fangemer denn mit Squash a. Ich bin jetzt au na im Hallefuessball team vom Maschinebau. Das fangt denn im November a.
A ja und denn bini na em Skiclub bitrete vo Queens. De organisiert gsamthaft 3 Wuchenendusflueg. 1 in Quebec, 1 in Ontario und eine in Vermont NY. Und vermuetlich gahts mal na e Wuche in Weschte vo Kanada! Hoffentli Whistler!

Ja und eigentlich hanni im November uf Montreal welle... Go Montreal Canadians vs Toronto Maple Leafs go luege! Aber leider bini spat gsi es isch scho usverchauft gsi

So das sind wieder mal echli News vo Kingston gsi