Niagara Falls Letscht Wuchenend bini mit em International Center (die organisierte Trips und workshops und doet chamer anne wemmer Problem haet und so) dNiagara Falls go aluege!

Nieagara Falls sind ca. 4.5h suedwestlich vo Kingston. Isch en recht lange Tag gsi aber es haets sich definitiv glohnt. Recht idruecklich was da a Wasser abechunt! Und zum Glueck simmer uf de Kanada site gsi! Will ich glaub noed dass mers uf de US siite so guet gseht. Au isch de Teil uf kanadischer Siite vil Idruecklicher.

Mir haend natuerli aud Bootstour zum Fuess vo de Falls gmacht. Me wird also zimli nass! Es isch mega windig und es isch fascht am regne… Me isch zimli froh um die "Plastiksaeck" wos verteiled :) Vo noechem gsehnds grad namel ecli idruecklicher us! Und meh chans sich fascht noed vorstelle, dass da en Bueb wo mal abgschwemmt worde isch, ueberlebt haet!! Und ich han glaubs na selte so kompletti und klari Raegeboege gse. Einisch sogar 3 mit enand!

Mit haet denn au na hinder de Kanadisch Wasserfall choene und dur Loecher hine as abestroemende Wasser luege… Tosed recht! Wenns idunkled tuents de Wasserfall na mit wechselnde Farbe beluechte. Gseht zimli guet us!

Alles in allem en guete Trip gsi und 1 Tag isch grad gnueg. Meh bruchts noed. Will usserdem Wasserfall und 2 Casinos haets noed eso vil. Es isch scho mega touristisch, aber nuet wuerkli woni guet gfunde han.

Min naechschte Trip (schos kommendi Weekend) fuert mi nach Ottawa, dHauptstadt vo Kanada. Ich gange wieder mit em International Center am Samschtig doet anne und bliibe denn abe laenger. Am Sunntig morge renni na en Halbmarathon und fahre denn am Sunntig am fruehene Abig inen Nationalpark woni am Maentig aluege. Maentig isch da ebe en Firtig (Thanksgiving).

Also bis Bald