Núna erum við búin að vera hér í Buenos Aires í nokkra daga og erum byrjuð á fullu í spænskuskólanum. Erum þar hálfan daginn og nýtum restina af deginum til þess að skoða borgina, borða góðan mat og hvíla okkur. Hér er sumarið að byrja og við göngum um stræti borgarinnar á stuttermabol og í stuttbuxum.

Við erum smám saman að læra á borgina, hvernig skal nota samgöngur, hvernig maður biður um 2 appelsínur í ávaxtabúðinni (á spænsku) og hvernig við eigum að reikna argentíska pesóa yfir í íslenskar krónur. Í myndaalbúminu má sjá nokkrar vel valdar myndir frá BA, meðal annars bleika forsetahöllina í miðborg BA þar sem meðal annars Evita Perón stóð á svölum og hvatti áfram þjóðina á sínum tíma.

Þangað til næst,

Hildur og Elías.