Profile
Blog
Photos
Videos
17-18.02.2013 Paihia
4 Langi Stunde beni am Suuntig med em Bus rechtig Norde gfahre. Usgstegeh in Paihia woni au die ganz Wuche blibe. Paihia isch im Norde vo Neuseeland be de Bay of Island. Wederum s`Zelt ufgschlage und hoffe das s`Wetter au hebt ufemne schöne Platz ächli usserhalb vo Paihia. Früschi feine Öpfel vom Baum send inklusive do ;-) Hüt beni zu de Haururu Falls gloffe. De Einweg esch 5km dur de Regewald. Es esch no rächt düppig gsi bem laufe aber no en schöne Wäg dur de Wald. Emmer weder hedmer en Blick uf de Waitangi River gseh. De Wasserfall selber esch nüd speziells gsi. In Waitangi, das esch s`Nocherdorf vo Paihia, esch de Vertrag med de Iheimische Maori`s und de Engländer gmacht worde. Drumm wohned do au no demmli vell Maori`s. Eine esch be dem Wasserfall gsi und hed es Maoriritual gmacht. Underanderem heder es Lied med siner Holzgschnetzte Pfiffe pfiffe. Esch no cool gsi zum Zueluege.
- comments