Profile
Blog
Photos
Videos
buenos aires-eine stadt zum verlieben und voller gegensätze
am 23.2.2012 simär nach unändlichä 46h busfahrä mit vouär pleitä,päch u pannä ändlich in buenos aires ar retiro busstation acho.
jippiiiiiiiiiiiiii!!!!!!!!!!!!!!!!!!!!!!!!!!!!!!¨¨
üs het so zimlich auäs weh tha u mir si eifach froh gsi heimer us däm bus usä chönä u hei beschlossä dasmer niä meh ä bus vo boliviä uf argentinä wärdä näh.
ok zu üsnä letstä täg in santa cruz de la sierra in bolivä ghits nid viu zverzeuä da zmeli vou hänä vercheutät isch gsi ( leider immerno =( )
trotzdem heimers üs nid lah nhä u si am sunntig abä a carneval....its wüssemer ämu ou wieso das jedä seit dr carneval hiä sig einä vo de dräckigstä...chum usäm hostel u im carneval gländ innä simer mit
jeglichstä farbä vo grün, blau, pink u rassiermousse bessprütz wordä. zum glück het üs ja zhostel vor gwarnt u mir hei nid gad di neustä chleider aglehit gha.
nach äs paarne meter heimer festgsteut das mir i däm quartier so zimli fasch di einzigä touristinnä si gsi. was nid lang unenddeckt isch blibä =)
nachemnä mega coolä abä mit dä iheimischä u feinäm biär simer tod kaputt zrugg is hostel u si zersch mau ä stung unger dr duschi gstandä.
ä so heimer annähernd aui farb vom körper ab becho. dmarloes het leider zpech dasi blondi haar het u di iheimischä mit vorliebi ihri haar ruiniert hei.
si het nach eim abä usgseh wienä rythauä möchtegern punk u isch dfarb nüm los wordä.
dürä tag ischs sehr längwillig in santa cruz während am carneval. auäs aber scho gad auäs het zuä...somit heimer dürä tag usert gschlafä,gässä u gläsä nid viu. aber das i
isch mer ou gad rächt gsi. doofi ercheutig =(
am zistig abä am 18.30 heimer ufä bus müässä. üsäs problem isch gsi das kehs einzigs taxi gfahre isch u mir somit dür di ganzä lüt wo no am firä si
mit üsnä rucksäck hei müässä loufä. 5 blocks bis zum ziu. leider hei bim letstä block so deppä s`luschtig gfungä üs mit wasser u farb azsprützä....super die nächstä 40h
bini grün u blau gsi =)
ändlich ar busstation acho u im bus simer miterä 1h verspätig abgfahrä...yehaaa ändlich richtig b.a.!
am morgä am 4.00 simer ar gränzä gsi u leider het die erscht am 6.00 uftha. z`speditivä schaffä heisi ou nid erfundä u somit heimer gschlagni 8h ar gränzä boliviä-argentinä
verbracht. bhääää theoretisch gseh hätemer cama buechet gha.doch üsä bolivianisch bus isch nid oder nüm zuälässig gsi uf dr argentinischä sitä somit heimer dr bus müässä
wächslä u si 8.5h im semi-cama ghocket =( drzuä het üs polizei no 3 mau usä gno u het dsganzä ge¨äck vom ganzä bus u aunä passagierä kontrolliert.
juhui....in tucuman nordargentiniä heimer de ändlich wieder chönä dr bus wächslä u hei für di 2 nacht im bus wieder üsäs cama gha u da viu lüt si usgstiegä heimer ganz viu
platz für üs gha, wenigstens öpis positivs. nacherä meh oder weniger agnehmä 2tä nacht im bus simer am nami ändlich in buenos aires acho.
mitäm taxi zum hostel u subito unger duschi simer a däm abä nur no gha fein znacht ässä. chorizo beef mit härdöpfustock..yammy.
üsäs hostel ayre portens liegt im kunstvirtu vo b.a. in san telmo. äs mega schöns quartier mit hufä autä antiquitätägschäfter, hufä chlinä chleidärlädeli, strassäkünstler
u tango tänzer.
am anderä morgä isch du ännnnndlich sgotti u dr tio loco giubi in b.a. glandet. juhuuu =) hami mega gfröit gha!
am mittag heimer nis troffä u viuuuu zverzeuä gha. am nami si ig u dmarloes zum coiffeur zum üsär ruiniertä haar vom meer,salz,luft u fasnacht wieder zrettä.
da drbi heimer festgsteut das ou dr coiffeur nach südamerikanischär zyt louft...ganzi 5h simer bim coiffeur ghocket. ufff aber mir fingä
äs het sich glohnt =)am abä simer mitem gotti u am giubi gha uhhh fein znachtä. u hei üs für am nächstä morgä zum zmorgä ässä verabredet im casa brigit.
am sunntig am morgä simär ufämnä riesääääää märit gsi (zum glück hani nid viu platz im rucksack) u am späterä nami simer gha la boca juniors gägä newells old boys gha luegä.
hammer tag, hammer match,eifach ä super tag gsi!
di letstä 2 täg heimer äs bus ticket für ä touris openair bus kouft gha u si ¨üs so kulturel u spirituel was buenos aires betrifft gha wieter biude u ganz viu sachä gha aluegä.
am morgä hani oder hei mir üs leider ou scho wieder vom gotti u vo giubi verabschiedet wo gägä mittag richtig nordä uf salta si gflogä.
hüt simer im evita peron museum gsi...ou das mega interessant gsi. wemä si gärn het =)
si no äs bus ticket gha choufä nach puerto madryn...juhuu ändlich wieder argentinischä standard im bus u süsch simer eifach im park ghockät u hei dsunnä u üsär büächer gnossä.
am fritig verlöhmer buenos aires mit ämnä lächlä u amnä gränädä ouge.
buenos aires; di stadt fasziniert mi u isch di ersti stadt uf dr ganzä reise woni mir chönt vorsteuä zläbä.isch eifach ä höhlä cooli stadt!
muchos besos desede buenos aires
- comments