back in the civiliation again

dr bsuäch im parc güembe het sich meh aus glohnt. hei meeeeega viu schöni schmettelingä gseh, tucans, papageiä u mega viu orchideä.

zum abschluss vo däm tag simer no im resort gha bädälä. dswetter het zu üsäm erstunä no uftah u äs isch unerträglich warm wordä.

jaja i weiss dir heit au zämä chaut u i jammerä dasäs zheiss isch =)

am morgä heimer üsä nachtbus uf trinidad buächät gha u im oficina RUTA VERDE üsäs flotel im amazonas jungle reina de eina für 3 täg buchät gha.

vouer vorfreud simer zrugg is hostel gha packä. juhuuuu bis üs gijs aglütä het dasäs hüt nacht nid müglich isch mitäm bus zfahrä

da die liäbä bolivianer wieder einisch zgfühu hei gha si müessä dstrasse blockierä. =(

so wiet so guät doch leider het üsäs hostel u au anderä ir stadt kehs einzig bett meh frei gha somit hei ig u dmarloes üs im hotel/ appartement resort ubari

iquartiert. für bolivianischi verhäutnis düür für üs normau tarif imnä hostel ir SCHWEIZ. ganzi 31. sfr heiimer pro nacht zahut

dasmer äs eigets appartment inc chuchi u ä riesä pool alange zurvefüägig hei gha. nach usgibigem testä vor poolalage u hoffä u bangä dasmer am nächstä abä chöi gha.

isch wieder nüd drus wordä so heimer haut äs feins znachtässä kochät u üs fasch wiä daheimä gfhüt =)

schlächtä dranä isch gsi dasmer di bolivianischä nachrichtä im tv hei gluägt u so usägfungä hei das dlüt hiä im land seeeeeehr unzfriedä si

u das dstrasse blockadä nid so schnäu äs ändi nämä. de heimer haut ä flug buechät mit aerocon für ä nächst morgä früh 6.30h äs riesä flugzüg für i amazonas.

si froh gsi womär wieder si glandet.

am flughafä het üs dr victor bereits erwartet (da mir wiä üblich verspätig hei gha )

mitem taxi u motorboot ischäs du schnäu schnäu uf üsäs flotel gangä. di erstä 2 täg heimer äs ganzäs schiff inc crew nur für üs 2 gha.

da niämer angers no buächet het gha. am 3 tag isch no ä familiä a bord cho.

3 tage flotel reina de eina

1. tag ; nachämnä mega feinä zmorgä u bezhiä vo üserä kajute heimär ä ersti rundfahrt motorboot fahrt gmacht u bereits die erstä schönä vögeli gseh.

nach guät 2h simer wieder zrugg bim usgangs punkt gsi u de isch nacherä churzä pousä scho wieder zyt gsi zum zmittagässä.

nachäm zmittag u arä chlinä siesta simer mitem jorge gha versuächä piranias fischä.

fazit vo mir u ar marloes 0 pirania u drfür beidi zämä ca 50 neui mosquitos stichä a händ u gsicht das het afah rägnä.

dr jorge het zu üsem erstunä locker hurti 3 phiranias gfischet währendessä das si bi üs eifach zfleisch abgässä hei.

die phiranias werdä ou dänkt ha....juhu wieder einisch so doofi touristä=)

tropfnass u ohni säubergfischtä phirania simer wieder zrugg u hei uhh fein znachtgässä.

jajaja mir hei abartig viu gässä...aber dmarlene het sooo fein kocht.

nachärä supi diskussion über boliviä u ungerschiedä zwüschä hiä u europa simer tod müäd gha schlafä.

2.tag ;nachämnä wieterä feinä zmorgä simer zrugg a land u hei ü¨sär pferde i empfang gno u si einisch quer dür dselva u jungle grittä.

leider hets chli viu grägnet vorgängig so das viu isch ungerwasser gstangä u mer dwege hei müässä improvieserä oder gar nid hei chönä

passierä.zrugg ufäm schiff hets zmittag ghä u di obligati siesta time u de simmer mitem kanu flussabwärts bi schönstem sunnäschy gfahrä....mega gmüätlich gsi.

nachemnä schwumm im fluss heimär dr ganz wäg wieder müässä gägä strom zrugg paddlä. was weniger gmüätlich abr glich cool isch gsi.

während am kanu paddlä heimer flussdelphinä gseh u frei läbendi tucan u 2 riesä grossi macaus.wunderschön gsi!

am abä het üs carlos no mit sirä gitarre u sirä atemberoubendä stimm ungerhautä u de ischäs de ou scho wieder relativ früh is bett gangä.

3.tag; a üsäm 3 u letstä morgä simer mitem motorboot inä lagunä gfahrä ir hoffnig mir gseh no meh delphinä doch leider hets dermassä afah rägnä u ca für 3.5h nüm ufghört

dasmer so schnäu aus müglich wieder zrugg ufs schiff si u hei zyt an bord mit läsä, uno spilä u ussicht gniessä verbracht.

nachäm zmittag u arä churzä siesta simär wieder mite schnäu boot usä, da ääääändlich wieder dsunnä gschunnä het u si ä mega schöni tour ufäm grossä marmore fluss

inmittä vo dickicht u pflanzä u tierli gha machä. am abä het üs dr carlos zrugg a hafä bracht u mir si mitem taxi ah wahrschinlich

unorganisiertischtä bus bahnhof woni je ha gseh, abgsetzt wordä.mit üäsm bestäm spanisch heimer du ändlich dä mann gfungä wo für üs am morgä

tickets kouft het für ä nacht bus zrugg uf santa cruz. juhuuuu

zum guätä glück firet ganz boliviä diä nächstä 3 täg carneval somit sisi glücklich u äs ghit weder protestä no strassä blockadä. u mir chöi ohni problem reise =)

hüt simer zrugg in santa cruz, äs isch carneval afang u aui lüt si sich vou am präparierä für hüt am abä ah grossi umzug dür stadt.

mir si scho sehr gspannt uf hüt u di nächstä 2 täg. mir hei scho auerllei gschichtä ghört übär ä iheimischä carneval.

hinäch weimer üs ou is getümel stürtzä u hei nis zum eigä schutz u tipp vom hostelpersonal bimnä strassähändlär perückänä kouft. da a auti tradition hiä isch, das meh dlüt uf drstrasse u auäs was eim so verbi louft

eifach mau amaut=) mit vorliebi touristä u d`haar =)

so znächst mau mäudemi zrugg us argentinä buenos aires

freu mi scho riesig ändlich diä stadt kennä zlehrä.

aber vor däm heimer no 34h busfahrzyt vor üs....aber ou das werdemär überstah dank vip klasse...ok vip isch bi üs 2. klasse aber

mir bechömä gratis ässä,ztrinkä u sekt =)

adios amigos u no öpis vermissä näch aui gaaanz fescht!

besos desede santa cruz