Profile
Blog
Photos
Videos
el chalten-puerto natales-torres del paine
juhuuuu,
auso aus erst ä info a aui. ig chumä bereits am 6. april 2012 auso am karfritig wiedär
id schweiz. auso i guät 14 tage heiter mi au zämä wiedär am haus =) hahahahaha
ig bi gestär am abä toooooot kaputt usäm torres del paine park cho.bi its wiedär in puerto
natales.mir hei ä teil vom W-circuit vo 3 nächt u 4 tage gmacht. mängisch frage ig mi warum das ig mir das
säubär a tuä =) aber äs isch mega schön u sehr astrengend gsi.
bi froh gsi heimer d`luxus variantä vo schlafä u ässä usgwäuht. so heimär jedi nacht äs
warms bett imnä refugio gha u hei znacht u zmorgä serviert becho.
ufäm weg heimer mängs, mängs lüt gseh wo mit ihrnä 20 kg schwerä rucksäck dsglichä
machä wiä mir mit auäm camping stuff u auäm inc. nur zum gäud sparä.
ig bi froh gsi ha ig nid müässä...
bevors üs uf puerto natales verschlagä het simer no in el chalten gsi. äs chlisäs härzigs
dörfli ir nechi vom nationalpark los glaciers. ou dört simär ufä fitz roy uächä gwanderät u hei
wieder einisch meh mega glück gha mitäm wetter. stahl blauä himmu u chum wind nach däm
dasäs vorgängig sehr gluftet u grägnet het.
its bini in puerto natales no bis am zistig u nähr gehits uf mir scho so viu verzeutä bekanntä
pucon. mau luegä obs so isch wiä aui lüt vorschwärmä u verzeuä...bini ja sehr gspannt.
nach pucon gehits de uf santiago u dört wierdeni no einisch zwarmä wätter vo 30 grad
u sunnäschy gniessä bevori wiedär idi chauti schweiz zrugg chumä =)
liäbä gruäss us puerto natales.
- comments