Hallo zaeme :-)

Soo, etz hanis gschafft, fertig Schueeeeeeeeeeel :-))) Han aber gmischti Gfuehl. Im Moment bini eher gad mega trurig. Am Fritig haemmer dae letschti Schueltag gha. Sind mit dae Klass go zmoergele und daenn haemmer Graduation gha. Am Samstig haemmer daenn dae ganzi Tag Pruefige gha. Mal luege wie das usecho isch :-) Am Abig simmer daenn alli zaeme go aesse und daenn in Usgang. Nachher haemmer zwei wo etz zrugg id Schwiiz sind an Flughafe begleitet. Bin daenn faeng am Morge am halbi sibni im Bett gsi..:-) Dae Abschied isch allne meeeega schwer gfalle. Sind sone cooli Gruppe gsi und etz goend all irgendwo anderscht haene. Ich realisiers aber gar nonig raecht das etz s Reise afangt und dasi Perth etz verla..Morn am viertlab sibni gahts los. Mache mit dae Marina e 7-taegigi Tour und nachher choememer nomal fuer 1 Nacht uf Perth zrugg (17.3. uf 18.3). Mir choend daenn nomal bi minere Hostfamily uebernachte. Isch mega lieb. Am 18.3. fluegemer uf Cairns. Und daenn machemer d Ostkueschte bis uf Sidney. Am 16.4. gahts daenn au scho wider zrugg id Schwiiiz :-)
So, das waer chli min Bricht fuer dae Moment. Etz musi daenn nochli go Sache poschte. Und daenn musi hei go paaacke..Schisst mi schoen a..

Macheds na guet und ganz liebi und sunnigi Gruessli vo Perth,
Angi