Profile
Blog
Photos
Videos
Hallo mini liebe
Hoffe eu gahts allne guet. Mir gahts im Moment noed so guet. Bin noed so fit. Sit gester Abig hani so Buchweh und Buchchraempf. Villicht hani oeppis schlaechts gaesse. Wuesst aber noed was..
S letschte Wuchenend isch mega cool gsi. Sind eigentlich immer am Strand gsi. Ha mi natuerli verbraennt.. :-( Janu..Wird daenn scho brun.
Am Samstig isch Australian Day gsi. Hui isch da vil los gsi. I dae Stadt haets mega vil Luet gha dae ganzi Tag. Am Namittag haends daenn no so Flugshow gmacht. Am Abig simmer daenn go s Fuerwerk luege. Isch schoen gsi. Isch oeppe e halb Stund gange. Nachher simmer daenn no alli zaeme in Usgang. Am Morge am halbi saechsi bini daenn faengs is Bett gschluepft :-) Am Maentig haemmer daenn frei gha.
Foetteli folged daenn no ;-)
Naechscht Wuche gangi uf Rottnest Island. S chunnt praktisch die ganzi Klass, wird sicher luschtig.
S Waetter isch immer no glich. Immer zwuesched 32-37 Grad..Heiss heiss heiss..
Haend das waeg em Heath Ledger sicher au ghoert. Isch da tagelang s Thema Nr. 1 gsi. Immer no. Will er ja vo Perth gsi isch..
Ich wuensch eu no ganz e schoeni Ziit und bis gli.
Macheds guet.
Kuessli,
eui Angi
- comments