Hallo zaeme

How are you? Hoffe guaet. Ich bin gad mit dae Karin im PC Rum vo dae Schuel und ha daenkt es waer wider mal Ziit fuer en Blogitrag. Die letschte zwei Wuche sind mega schnaell dure gange. Letschte Mittwuch simmer im Leaderville Hotel und im Hipe Club gsi und haend in Geburi vo dae Kollegin inegfiired. Am naechschte Tag haemmer daenn eusi Probepruefige vom Speaking gha. Isch no guet gange. Euses richtige Speaking Exam haemmer am naechschte Fritig am Morge *zitter*. Bin mitere Waelsche zaeme..S Wuchenend isch daenn chli ruhiger gsi. Am Samstig bini elei gsi will die meischte go Pinnacles aluege sind (mach ich daenn nach dae Schuel). Am Samstig abig simmer daenn wider alli id Paramount Bar (inkl. Marina und Kollegin), isch wider voll luschtig gsi. Am Sunntig haend mi daenn Brasilianer moese verla(etz bini ganz elei bi dae Familie bis afangs Maerz) Isch chli trurig gsi. Aber ich gangs daenn mal no go bsueche i ihrem Hus.
Ja und die Wuche isch meega schnaell dure gange. Am Mittwuch simmer inere Karaokebar gsi. D Schuel haet Bar gmietet. Isch uu witzig gsi. Haend mega vil gsunge. Gester haemmer wider eusi Mock Exams gha. Das Weekend goend Karin und ich uf den 3tages Trip in Suede. Freu mi voll. Wird sicher cool.
Und jaaa, mir sind da au am lerne, noed nur am Party mache :-)

Also macheds daemfall guet und bis gli,
kuessli,
Angi