Hi guys

Han eu nur schnaell welle Brichte wie s Konzert gsi isch. Bin ja gester am Kelly Clarkson Konzert gsi. S isch haaaaaammer gsi. Han sie voll naech gse. Ihri Stimm isch eifach meega..Und natuerli hani vil Foetteli gmacht, obwohls immer sind go saege mer daerfi noed foettele;-) Und d Stimmig isch voll geil gsi. Voract isch dae Sean Kingston gsi (Beautiful girls..). Dae isch au hammer gsi. Aber wie mer as Konzert cho sind isch au no lustig. Bi dae Train Station z Claremont (10min vo Perth entfernt) simmer mal usgstige und daenn haemmer voll noed gwuesst wos isch (hettet eus vorher soelle informiere ;-). Nachher haemmer gmerkt das kein Bus me zu daem Stadium fahrt..Nachher haemmer daenkt mir laufed mal. Daenn haemmer oeppe 5min gstoeppled und ploetzli haend so zwei jungi Type aghalte. S isch eus vorcho wie im Film. Voll s coole Auto, luti Musig, zwei Type ;-) Ja nachher haends eus mitgno. Mit em Auto haemmer daenn oeppe 10 Minute gha..Waer jeenes lang gsi zum laufe..hihi..

Ja und Pruefig (Speaking) am Fritig isch mr raecht guet gange. Nur am Afang haet sie so dummi Frage gstellt waeg mim ehemalige Job etc. Das isch chli doof gsi. Aber sind liebi Experte gsi. Am Zistig haemmer daenn Listening und am Samstig daenn Reading, Writing und Use of English. Nachher isch finito mit Schule.

So, etz gangi daenn go waesche. Nach jedere Woesch gsend d Chleider wider abgnutzter us ;-)

Ja daemfall wuenschi eu no en schoene Sunntig. Mir haend morn frei, isch Public Holiday..Macheds guet und kuessli,
Angi