Han gmärkt, bin nächli in Rückstand cho mit mim Blog. Aber han die Nacht äxtra no dra gschaffet. Au wenni immer nonig e Reihefolg bi de Fotene anebring. Am halbi Zähni hani uschecket, Gäld und Zmorge gholt und an Bahnhof gloffe. Han no fasch es Stündli uf de nächscht Zug müässe warte. De het mich uf Asamushionsen bracht, vo wo ich mini hütig Tour gstarter han. Min Rucksack macht sich uf ahib guät. Es schiint mer sogar liächter zii...aber dömmer mal ...

Am Morge hets no en chline Spaziergang a de Uferpromenade vo Aomori ghä. Begeischteret hani sDepot vo de Nebuta gfunde. Die hend vier riisigi Zelt ufgstellt, zum jedem einzelne e Garage zbüte. Han vo öppertem ghört, die seget so 25m gross und 11 Tonne schwär. Schwärenherzens hani näbetra zuägluägt wies die Holzgrüscht grad mit em Bagger gküderet hend. So schad. Die sind sicher au so enthusiastisch bi de Sach gsi wie dLozärner Fasnächtler und fanget ...

Am eis bini vom Rägä verwachet. Dasmal hani dWösch no rächtziitig chönne inenä. Am 6i hets langsam ufghellt, aber sZält isch natürli pfluschnass gsi. Da ich die Nacht nöd zälte, chas den nöd tröchne, drum hani halt müässä warte. Am 9i isch denn alles troche und parat gsi. Ich ha mi scho gfreut, wiedermal am Strand na zlaufe. Die Fröid isch mer relativ rasch vergange. De Strand het nämlu nöd nur huufe agschwämmti Sache sondern au det abgleite M...

Wiedermal bini nächli langsam hüt. DSunne isch scho wiit obe gsi, woni serscht mol usem Zält güggslet han. Es isch scho heiss gsi, wie nüt. Gmüätlich hani agfange zämäpacke und parat mache zum go. Für dä Herr Yamamoto hani no es Säckli Alge zum Choche us Wakinosawa vorbereitet. Als i mich denn uf id Stadt gmacht han, hanems schnäll no in Briäfchaschte tuä. Anschinend het ers gseh und het mer den vo wiitem no äs Guäts Mörgeli nachegrüäft. Also ...

En richtig schöne Tag isch. Scho am Morge am halbi Sibni woni wieder id Stadtmitti gloffe bin, isch keis Wölkli wiit und breit zgseh. Ich hoffe, da ich ja zuziit am Meer bin no nächli e Wind zieht, damit es au für mich erträglich isch. Am halbi Achti bini denn usgrüschtet mit Lachs-Onigiri (die absolut beschtä) und en Iiskafi im Bus gsässe. Dä bringt mich hüt uf Shiriya. Ä öschtlichi Halbinsel vom öschtliche Aomori-Zipfel. Distanzmässig isch es zwii...