Profile
Blog
Photos
Videos
Taupo -> Tongariro National Park (Whakapapa Village)
das isch die hüttigi Route xi.
Ig bi ganz früeh am morge lost düset ohni Stop diräkt zum Tongariro National Park (das isch dr ersti National Park xi vo NZ xi) denn hü tisch wandere axeit xi. dVulkane Ruapehu, Tongariro & Ngauruhoe si hie im Park, däheime.
Mä fahrt ca. 10km dr Hügel sorry Bärg, zdüruf nach Whakapapa Village. Weme det härä chunnt faut eim zersch gad zChateau Tongariro uf. DAS Luxushotel hie ir Region.
Ig bi de bim iSite härä gfahre…und ludo, näb wäm hani parkiert am Gerhard&Margrit. Sie si de ou gad cho zlouffä u hei ou rächt läng gluegt. Nachemne chliinä schwatz hei sie sich de ab uf ihri wanderig gmacht und ig bimi zersch mau ga informiere. Hami de füre Tama Lakes Tramping Track entschidä. 5h und 17km läng. Het für mi Wanderafänger ok tönt. So hanimi de ufä wäg gmacht. Isch zersch mau verbii gange dür Steppäartigi graslandschaftä inä plötzlächä dickä Waud mitemne schönä Bärgfluss und Wasserfall. Woni ume egge bi cho si plötzläch dr Gerhard&Margrit wider vormr gstande-HA! Hei mir aui blöd gluegt. Die 2 heisech chli verloffä u si drum ufm gliichä wäg glandet wie ig. Sooo luschtig xi.
Hami de wiiter ufä wäg gmacht richtig Tama Lakes…geng wiiter u wiiter ufä. Dr letschti bitz isch ganz brutal xi zum hingerä Tama Lake ufä. Läck het das gluftät det obe. Isch extrem steil ufä, u när übere Krater drüber bismä ufä See abehet xe. Wüws aber so stark gluftet het hani det obe nur hurti es Foti gmacht u bi gad wider abe. Hetmr nüme gfaue. Ufm wäg zrügg hani de e Schwiizerin,zTrudi, kenneglehrt wo o allei am wandere isch xi, da ihre Ma mitemne Häxäschuss im Camper liigt. Mir heinis de zämä ufe Rückwäg gmacht.
Woni am morge losgloffe bi isch zimli bewölkt xi, am namitag hets de aber ganz ufdo & so heimer doch de tatsächlich no MORDOR xeh!!! Aui Herr der Ringe fans….wuihaaa! Bimr gad vorcho wie im Film.
Es isch für mi aus Wanderafänger würkli zimli sträng xi. Ig ha mini Bei de angers gspürt!!! Und gschlofä hani wiene Stei!
Am Obe hani de in Whakapapa im Campingground übernachet….und det…wie chönts angers si….dr Gerhard, dMargrit und ou zTrudi aui wider troffä. Herrlich!
- comments
Päscu Hei Cindy Es macht Spass di Blog z läse.. schön chasch es gniesse, u he bi dir gits ja e Sunne! Die glänzz hie e chli i Abwäseheit. Ha de dini Grüess aune usgrichted u si hei sech gfreut drüber. Auso bi gli einisch