Profile
Blog
Photos
Videos
So, mittlerwiilä bini scho wider äs guetz stückli wiiter cho. Ig bi vo Ahipara us in richtig süüde gfahre ar Westküste abe. Det hani üngerwägs dr Waipou Forest bsuecht. Dä isch bekannt für sini Riiiisigä Kauri Böim. Ig bi det dr Tane Mahuta go aluege. Das isch dr gröschti no läbendi Kauri Boum- 51m gross, mit 14m umfang, 1500-2000 Joohr alt. Läck isch dä GROOOSSS. Absolut beidruckend.
Wiiter isches gange nach Baylys Beach woni übernachtet ha. Es härzigs munzigs Dörfli am Strand.
Am nächste Tag hani zLand dürquert u bi uf dr angere Siitä zur Coromandel Peninsula gfahre. Ig bi det dWestküste ufwärts nach Coromandel. Die Stross allei isch scho es Highlight xi. Etrem kurvig, schmal, ohni Leitblankä, diräkt am Meer. Krass. Da muesch übelscht konzentriert si, süsch machts plups...
In Coromandel hani de ä Stop igleit. Ou das isch wider äs Tüpisch härzigs Strandkaff. Mis Ziel isch aber Hahei gsi uf dr Ostsiitä.
dr Houptgrund für det ane zga isch Cathedral Cove und dr Hot Water Beach. Ig bi am Namitag acho det und bi de afe mau ir Gemstone Bay ga schnorchlä.
Am abe hani de vorgha ufm Parkplatz z'übernachte. Woni gmüätläch am läsä bi xi isch plötzläch e Ma zuemr härä cho und het mitmr afa redä. Isch usächo daser vo Dütschland isch, ou allei ungerwägs, gliich lang wie ig und zimli die gliichi Tour macht. Mir si de spontan im Dörfli zämä go ässe. Gässä heimer ganz amne coole Ort- im the Church Restaurant. Das isch es Restaurant- wies dr Name scho seit- ire ehemalige Chiuche. Extrem cool. Isch u luschtig xi & wärdenis sicher wider irgendwo träffä uf üserer Route.
Gschlofä hani dedu när gliich ufem Parkplatz obe (obwohl mr zersch nid so wohl isch xi drbi..), isch de du doch no ä 2 Camper cho u bi nid ganz allei xi.
- comments