Profile
Blog
Photos
Videos
So, hüt isches richtig abgängä….vode Haruru Falls-> Matauri Bay-> Cape Reinga->Ahipara isches gange. Si ca. 350km…..das isch de o gnueg xi für 1 Tag....:o/
Vo vore agfange.Ig ha ufem Wäg nach Cape Reinga dr 40km längi „Umweg „ gno über d'Million Dollar View Rd, dür dMatauri Bay, Tauranga Bay, Whangoroa zrügg ufd A10. Kei Frag werum die Strass eso heisst!!! Jedes mau weni wider umne Kurve bi cho hätti chönnä hüülä wüws Panaroma so schön isch xi Luuter grüäni Inseli, tief blaus Wasser, wiisi einsami Stränd. I däm Momänt isch dr so richtig bewusst werum dä 30h lang greiset bisch….!
Hamer no hin u här überleit obi würkli nach Cape Reinga söu. Es si ei wäg 90km ufä, u die gliichä 90km wider zrügg abe. Kurz entschlossä hanis när de du gliich gmacht. Obsechs glohnt het?! Naja. Isch scho beidruckend dete zstah wo die 2 Ozeane (Tasman Sea & South Pacific Ocean) zämä träffä. Aber mau abgseh vo däm isches e Lüchtturm und e Küste wie die angere ou. Uf empfählig vor Corina& David bini de nach Ahipara gfahre. Sie heimer xeit das sigi sones richtigs Surfer Stedtli. dSurfer hani vergäbäns gsuecht und dr Holiday Park woni ha wöue schlofä ou. Langsam aber sicher bini de zimli närvös wordä wüws scho relativ spät isch xi, unds eher chli nachemne Ghetto Stedtli het usxeh. Ig bi du de bis as ändi vom Dörfli gfahre. Det hani de ganz abglägä ire Bucht no e CampingPlatz gfunge. Extremschte e „eifache" (das isch lieb xeit) CampingPlatz. Nid mau es richtigs WC hetz gha, und Dusche hetme ungerem frei Himmu müässä, und für das hani $20 müässä bläächä. Jänu, isch scho spät xi u i ha nümme möge. s*** happenz.
Glohnt heisech die $20 du de gliich no. Ha cooli Lüt kennä glehrt u am Strand unger Stärnä spannendi Reisegschichtä ustuscht- love it!
- comments